मुंबईत झेप्टो बनला ‘अलार्म क्लॉक’; डिलिव्हरी पार्टनरच्या तत्परतेमुळे...
12 Feb 2026 16:13:07
एका मुंबईकराने झेप्टोच्या इन्स्टंट डिलिव्हरी सेवेचा अनोख्या पद्धतीने वापर करून बहिणीला फ्लाइटसाठी वेळेवर उठवले. रिषभ अगरवाल या तरुणाने लिंक्डइनवर शेअर केलेली पोस्ट सध्या मोठ्या प्रमाणात व्हायरल होत आहे. (Zepto becomes an 'alarm clock' in Mumbai)
पोस्टनुसार, त्याच्या बहिणीची सकाळी ६ वाजता फ्लाइट होती. तिने आईला रात्री ३ वाजता उठवण्यास सांगितले होते. मात्र पहाटे ३.१५ वाजता आईने घाबरून फोन केला. बहिणीचा मोबाईल स्विच ऑफ होता आणि ती उठलेली नव्हती. परेलहून पवईपर्यंत पोहोचायला साधारण ४० मिनिटे लागली असती. वेळ हातातून निसटत असल्याने रिषभने वेगळीच शक्कल लढवली. (Zepto becomes an 'alarm clock' in Mumbai)
त्याने ३.२० वाजता बहिणीच्या पत्त्यावर झेप्टोवरून ऑर्डर दिली. डिलिव्हरी पार्टनर विकास यांना परिस्थिती समजावून सांगितली आणि मदतीची विनंती केली. विकास यांनी तत्काळ सहमती दर्शवली. ते काही मिनिटे फोनवर संपर्कात राहिले आणि सुमारे ३.३० वाजता ऑर्डर घेऊन घरी पोहोचले. डोअरबेल वाजताच बहिणीची झोप उडाली. तिने पटकन तयारी केली आणि वेळेवर विमानतळ गाठले. (Zepto becomes an 'alarm clock' in Mumbai)
या अनुभवाबद्दल रिषभने झेप्टोचे सीईओ आदित पालिचा आणि कैवल्य वोहरा यांचे आभार मानले. “तुम्ही अप्रतिम प्लॅटफॉर्म उभा केला आहे. आज झेप्टोने आमच्या कुटुंबाची मोठी चिंता दूर केली,” असे त्याने पोस्टमध्ये म्हटले. (Zepto becomes an 'alarm clock' in Mumbai)
मुंबईसारख्या धावपळीच्या शहरात, जिथे प्रत्येक मिनिट मोलाचे असते, तिथे तंत्रज्ञानाचा योग्य वापर कसा मदतीला धावून येऊ शकतो, याचे हे उदाहरण मानले जात आहे. इन्स्टंट डिलिव्हरी सेवा केवळ सामान पोहोचवत नाहीत, तर कधी कधी मोठे संकट टाळण्यातही हातभार लावतात. या घटनेतून डिलिव्हरी पार्टनरची तत्परता आणि सेवेची जबाबदारी अधोरेखित झाली आहे. (Zepto becomes an 'alarm clock' in Mumbai)