व्हेनेझुएलाच्या राजधानीवर अमेरिकेची मोठी लष्करी कारवाई! राष्ट्राध्यक्ष मादुरो पत्नीसह अमेरिकेच्या ताब्यात

व्हेनेझुएलावरील कारवाईचा भाग म्हणून अमेरिकच्या सैन्याने कॅरेबियन समुद्र आणि पूर्व प्रशांत महासागरातही, अनेक अमली पदार्थ तस्करीच्या आरोपाखाली अनेक नौकांवरही हल्ले केले, यामध्ये जवळपास 107 जणांचा मृत्यू झाल्याची शक्यता वर्तवण्यात येत आहे.

अमली पदार्थांची तस्करी रोखण्यासाठी व्हेनेझुएलावर कारवाई केल्याचे ट्रम्प सांगत असले, तरीही या कारवाईमागील मुख्य उद्देश व्हेनेझुएलातील तेलसाठे असल्याचे म्हटले जात आहे. तसा आरोप मागील आठवड्यात व्हेनेझुएलाचे राष्ट्राध्यक्ष मादुरो यांनीही केला होता. व्हेनेझुएलामध्ये जगातील 20 टक्क्यांपेक्षा जास्त तेलसाठे असून, या देशामध्ये 303 अब्ज पिंपापेक्षाही अधिक तेल उपलब्ध आहे. य व्हेनेझुएलाची 90 टक्के अर्थव्यवस्था ही तेलावर अवलंबून असून, 2019 मात्र अमेरिकेच्या निर्बंधांमुळे तेलाच्या उत्पादनात घट झाली होती.