उत्तन येथे २० वे राष्ट्रीय न्युरोथेरपी अधिवेशन

या कार्यशाळेच्या उद्घाटन सत्रात प्रमुख अतिथी आरोग्य भारती राष्ट्रीय संघटन सचिव डॉ. अशोक कुमार वार्ष्ण्येय, नामवंत ज्येष्ठ पत्रकार भाऊ तोरसेकर व राष्ट्रीय समन्वयक सुप्रजा संस्कार (आरोग्य भारती) डॉ. मधुरा कुलकर्णी उपस्थित होते. या कार्यशाळेला देशभरातून १५० पेक्षा जास्त न्यूरोथेरापिस्ट यांची उपस्थिती आहे.

डॉ. अशोक कुमार वार्ष्ण्येय यांनी यावेळी सांगितले की प्रत्येक विधा, प्रत्येक शाखा ही एक पूर्ण विज्ञान आहे. केवळ रोगी व्यक्तीला ठीक करायचं एवढाच उद्देश नाही पण त्याच्या आनंदमय कोषापर्यंत पोचायचे हा मुख्य उद्देश आहे. आपण किती ही पुढे गेलो, तरी आपला आधार सोडायचा नाही. एक चिकित्सा पद्धतीची विशेषता सर्व चिकित्सा पद्धतींना माहिती हवी. त्यामुळेच इंटिग्रेशन करू शकतो. आज प्रत्येक स्थानी ट्रेनिंग सेंटर उभे करायची गरज आहे. दुसऱ्यांना शिकवल तर आपण स्वतः जास्त शिकू शकतो. रिसर्च ओरिएंटेशन - विश्लेषण करणे ही काळाची गरज आहे. अखंड परिश्रम करायची क्षमता असेल तरच तुम्ही आयुष्यात सफल होऊ शकता. सर्वे सन्तु निरामया: या वाक्यातील भाव जागृत करायची गरज आहे असे ही ते म्हणाले.