Supreme Court : फाशीच्या शिक्षेला मिळणार पर्याय? मृत्युदंडाच्या शिक्षेसंदर्भातील याचिकेवर सर्वोच्च न्यायालयात सुनावणी!

 

या जनहित याचिकेत मृत्युदंडाची अंमलबजावणी 'गळफास' पद्धतीने करणे रद्द करण्याची मागणी करण्यात आली आहे. ही पद्धत दीर्घकाळ चालणाऱ्या वेदना आणि अमानुष यातना देणारी आहे. गळफासाच्या प्रक्रियेत मृत घोषित होण्यासाठी ४० मिनिटांपेक्षा अधिक वेळ लागू शकतो, तर गोळीबारात काही मिनिटांत आणि लेथल इंजेक्शनमध्ये अवघ्या पाच मिनिटांत प्रक्रिया पूर्ण होते, असा दावा याचिकेत करण्यात आला आहे. त्यामुळे गळफास पद्धतीऐवजी लेथल इंजेक्शन, गोळीबार, विद्युतदंड किंवा गॅस चेंबर अशा पद्धतींचा अवलंब करण्याची मागणी करण्यात आली असून, या पद्धतींमध्ये काही मिनिटांत मृत्यू होतो, असा युक्तिवाद करण्यात आला आहे.(Supreme Court)