इराणसोबत व्यापार करणाऱ्या देशांना २५% टॅरिफ द्यावा लागेल! ट्रम्प यांचं इराणविरोधात 'टॅरिफ अस्त्र'

मुंबई : (Trump Tariff News) अमेरिका आणि इराण यांच्यातील तणाव मोठ्या प्रमाणावर वाढला आहे. याच पार्श्वभूमीवर आणखी एक मोठे पाऊल उचलले आहे. ट्रम्प यांनी इराणसोबत व्यापार करणाऱ्या देशांवर २५ टक्के आयातशुल्क म्हणजेच टॅरिफ लादण्याचा इशारा दिला आहे. त्यामुळे इराणबरोबर व्यापार करणाऱ्या देशांसह भारतावर आणखी २५ टक्के टॅरिफ लादला जाण्याची शक्यता आहे. (Trump Tariff News)

'इराणसोबत व्यापार करणाऱ्या प्रत्येक देशाला याची मोठी किंमत मोजावी लागेल,' असे ट्रम्प यांनी म्हटले आहे. अशा देशांवर २५ टक्के एवढा टॅरिफ लादला जाईल, अशी घोषणा ट्रम्प यांनी केली आहे. यासंदर्भात ट्रम्प यांनी सोशल मीडिया प्लॅटफॉर्म, टुथ सोशलवर पोस्ट करत, "इराणसोबत व्यापार करणाऱ्या प्रत्येक देशाला अमेरिकेसोबतच्या सर्व व्यापारांवर २५ टक्के कर भरावा लागेल. हा नियम तात्काळ लागू होईल आणि बदलला जाणार नाही," असे ट्रम्प यांनी म्हटले आहे. (Trump Tariff News)