India-Germany Relations : भारत–जर्मनी संबंधांच्या नवा अध्यायाला सुरुवात! पंतप्रधान मोदी - जर्मन चॅन्सलर मर्झ यांच्या बैठकीत महत्त्वाच्या करारांवर स्वाक्षऱ्या

बैठकीनंतर प्रसारमाध्यमांना दिलेल्या संयुक्त निवेदनात पंतप्रधान मोदी यांनी सांगितले की, भारत–जर्मनी संबंध संपूर्ण मानवतेसाठी महत्त्वाचे आहेत. वाढता व्यापार आणि गुंतवणूक यामुळे दोन्ही देशांच्या रणनैतिक भागीदारीला नवी ऊर्जा मिळाली आहे. यंदा भारत–जर्मनी राजनैतिक संबंधांची ७५ वर्षे साजरी होत असून, गेल्या वर्षी सामरिक भागीदारीची २५ वर्षे पूर्ण झाली. हे टप्पे केवळ कालावधी दर्शवत नाहीत, तर सामाईक महत्त्वाकांक्षा, परस्पर विश्वास आणि सातत्याने बळकट होत जाणाऱ्या सहकार्याचे प्रतीक असल्याचे पंतप्रधानांनी स्पष्ट केले.(India-Germany Relations)