मध्य रेल्वेवर दोन विशेष पॉवर ब्लॉक - भायखळा, शीव येथील पायाभूत कामासाठी ब्लॉक

मुंबई, मध्य रेल्वेच्या शीव आणि भायखळा स्थानकावर पादचारी पुलाच्या कामासाठी दोन विशेष ब्लॉक घेण्यात आले आहेत. शनिवार,दि.२७ रोजी हे रात्रकालीन ब्लॉक असतील, अशी माहिती मध्य रेल्वेच्या मुंबई विभागाने दिली आहे. भायखळा स्थानकावर पादचारी पुलाचे ४ स्टील गर्डर्स बसवण्यासाठी ११० मेट्रिक टन रोड क्रेन वापरून आणि शीव उड्डाणपुलाजवळ पादचारी पुलाचा ४० मीटर स्पॅन बसवण्यासाठी २५० मेट्रिक टन रोड क्रेन वापरून दोन विशेष वाहतूक ब्लॉक घेण्यात आले आहेत.

ब्लॉक पहिला

ब्लॉकची तारीख - शनिवार,दि.२७ रोजी रात्रकालीन ब्लॉक

ब्लॉकची वेळ - रात्री १२.३० ते पहाटे ४.३० पर्यंत

वाहतूक ब्लॉक विभाग- भायखळा ते परळ दरम्यान अप व डाऊन धिम्या व जलद मार्गावर

ब्लॉक दुसरा

ब्लॉकची तारीख – शनिवार,दि. २७ रोजी रात्रकालीन ब्लॉक

ब्लॉकची वेळ - रात्री ०१.१० ते पहाटे ४.१० पर्यंत

वाहतूक ब्लॉक विभाग- दादर ते कुर्ला दरम्यान अप व डाऊन धिम्या आणि जलद मार्गावर

उपनगरीय रेल्वे सेवेवर होणारे परिणाम

ब्लॉक दरम्यान दादर येथून रात्री १०.१८ या वेळेत सुटणारी दादर- कुर्ला लोकल रद्द राहील. कल्याण येथून रात्री ११.१५ या वेळेला सुटणारी कल्याण- छत्रपती शिवाजी महाराज टर्मिनस लोकल रद्द राहील. कसारा येथून रात्री १० सुटणारी कसारा – छत्रपती शिवाजी महाराज टर्मिनस लोकल ठाणे येथे रात्री ११.४९ अंशतः रद्द होईल. छत्रपती शिवाजी महाराज टर्मिनस येथून रात्री १२.२४ या वेळेत सुटणारी छत्रपती शिवाजी महाराज टर्मिनस -ठाणे लोकल रद्द राहील. छत्रपती शिवाजी महाराज टर्मिनस येथून पहाटे ४.१९ या वेळेत सुटणारी छत्रपती शिवाजी महाराज टर्मिनस -कसारा लोकल ठाणे येथून ५.१४ अंशतः रद्द होईल. ठाणे येथून पहाटे ४.०४ या वेळेत सुटणारी ठाणे- छत्रपती शिवाजी महाराज टर्मिनस लोकल रद्द राहील.