पश्चिम रेल्वेवर रविवारी मेगाब्लॉक नाही - सांताक्रूझ आणि माहीम स्थानकादरम्यान रात्रकालीन ब्लॉक

मुंबई, पश्चिम रेल्वेच्या सांताक्रूझ आणि माहीम स्थानकांदरम्यान दि.०९-१० ऑगस्टच्या मध्यरात्री रात्री ब्लॉक घेण्यात येणार आहे. मात्र, रविवार,दि.१० ऑगस्ट रोजी पश्चिम रेल्वेवर दिवसा कोणताही ब्लॉक घेण्यात येणार नाही अशी माहिती पश्चिम रेल्वेने दिली आहे.

पश्चिम रेल्वेवरील ट्रॅक, सिग्नलिंग सिस्टम आणि ओव्हरहेड उपकरणांच्या देखभालीसाठी शनिवार/रविवार म्हणजेच दि. ०९/१० ऑगस्टच्या मध्यरात्री सांताक्रूझ आणि माहीम स्थानकांदरम्यान अप फास्ट मार्गावर रात्री १२ ते पहाटे ४ वाजेपर्यंत आणि डाऊन फास्ट मार्गावर रात्री साडेबारा ते पहाटे ४.३० वाजेपर्यंत जम्बो ब्लॉक घेतला जाईल. पश्चिम रेल्वेचे मुख्य जनसंपर्क अधिकारी श्री विनीत अभिषेक यांनी दिलेल्या माहितीनुसार, ब्लॉक कालावधीत जलद मार्गावरील सर्व गाड्या अंधेरी आणि चर्चगेट स्थानकांदरम्यान धीम्या मार्गावर चालवल्या जातील. त्यानुसार, रविवार, १० ऑगस्ट रोजी पश्चिम रेल्वेच्या उपनगरीय विभागात दिवसाचा ब्लॉक राहणार नाही.