एसटीच्या डिझेल खरेदीवर सवलत सुरू - परिवहन मंत्री प्रताप सरनाईक यमाई दिली माहिती

मुंबई, महाराष्ट्र राज्य मार्ग परिवहन महामंडळामार्फत डिझेल खरेदी करत असलेल्या मे. इंडियन ऑईल कॉर्पोरेशन लि. व भारत पेट्रोलियम कॉर्पोरेशन लि. या कंपन्यांनी दि. १ ऑगस्ट २०२५पासून लागू होणाऱ्या दरानुसार डिझेलवर सवलत देण्याचे आश्वासन दिले होते. त्यानुसार १ ऑगस्ट पासून या कंपन्यांनी ३ रुपये प्रति किलो लिटर सवलतीचा दर देण्यास सुरु केले आहे. त्यामुळे महामंडळास डिझेल खरेदीवर एकूण तीन रुपये प्रति किलो लिटर इतकी सवलत प्राप्त होणार आहे,अशी माहिती परिवहन मंत्री तथा एसटी महामंडळाचे अध्यक्ष प्रताप सरनाईक यांनी दिली.

मंत्री सरनाईक म्हणाले की, ही सवलत १ ऑगस्ट २०२५ पासून पुढे लागू झाली असून त्यामुळे महामंडळाच्या इंधन खर्चात लक्षणीय बचत होणार आहे. याचा सकारात्मक परिणाम महामंडळाच्या आर्थिक स्थितीवर होणार असून सेवांचे सुरळीत व आर्थिकदृष्ट्या सक्षम संचालन करता येणार आहे. या संदर्भात महामंडळाच्या सर्व विभागांनी व आगारांनी या सवलतीचा लाभ घेण्यासाठी आवश्यक ती कार्यवाही तात्काळ करावी, असे निर्देश मंत्री सरनाईक यांच्या कडून देण्यात आले आहेत.