उपराष्ट्रपतीपदाच्या निवडणुकीची तारीख ठरली! 'या' दिवशी होणार मतदान

नवी दिल्ली : (ECI announces schedule for Vice President's Election) उपराष्ट्रपतीपदासाठी निवडणूक जाहीर करण्यात आल्याची माहिती समोर आली आहे. जगदीप धनखड यांच्या राजीनाम्यानंतर आता ९ सप्टेंबरला उपराष्ट्रपतीपदासाठी मतदान होणार आहे. मतदानानंतर त्याच दिवशी म्हणजे ९ सप्टेंबरलाच लगेच निकाल जाहीर होणार आहे.

Election Commission of India announces schedule for the election of Vice President of India

Last date for nominations-August 21, 2025
Date of poll (if necessary)- September 9, 2025 pic.twitter.com/Ct6u3A9KpR

— ANI (@ANI) August 1, 2025

निवडणूक आयोगाने जाहीर केलेल्या कार्यक्रमानुसार ७ ऑगस्ट रोजी या निवडणुकीसाठी अधिसूचना जाहीर होणार आहे. तर २१ ऑगस्टपर्यंत उमेदवारी अर्ज दाखल करता येतील. उमेदवारी अर्ज मागे घेण्यासाठीची शेवटची तारीख २५ ऑगस्ट असेल. ९ सप्टेंबर रोजी उपराष्ट्रपतीपदाच्या निवडणुकीसाठी मतदान होणार असून, सकाळी १० ते संध्याकाळी ५ ही मतदानाची वेळ असेल. तसेच मतदान आटोपल्यानंतर त्याच दिवशी संध्याकाळी मतमोजणी होणार आहे.