थायलंड आणि कंबोडिया यांच्यातील सीमा संघर्ष तिसऱ्या दिवशीही सुरूच!

थायलंड : गेले तीन दिवस थायलंड आणि कंबोडिया यांच्यात संघर्ष सुरु आहे. दोन्ही देशांनी एकमेकांवर प्रथम गोळीबार केल्याचा आरोप केला आहे. या संघर्षात आतापर्यंत किमान ३० लोकांचा मृत्यू झाला आहे. त्यात सैनिकांसह नागरिकांचाही समावेश आहे. एक लाखांहून अधिक लोक विस्थापित झाले आहेत. ही संघर्षमय परिस्थिती २४ जुलैपासून सुरु झाली. मिसाईल्स, तोफगोळे यांबरोबरच थायलंडने F‑16 विमानातून हल्लेही केले. या संघर्षाची भूमिका पारंपारिक सीमावादावर आधारित आहे. १९०७ च्या फ्रेंच नकाश्यामधील विभागणीवरून हा वाद भडकला आहे. १९६२ मध्ये आंतरराष्ट्रीय न्यायालयाने हे मंदिर कंबोडियाच्या ताब्यात दिले, परंतु दोन्ही देशांनी यावर वाद सुरुच ठेवला.

थायलंडने कंबोडियाचे राजदूत निष्कासित केले, तसेच थायलंडने कंबोडियामधून आपले राजदूत परत बोलावले. सीमा चौकी अल्पावधीसाठी बंद कराव्या लागल्या. कंबोडियाकडून विमान, मिसाईल्स आणि तोफगोळे वापरून थायलंडमधील नागरी वस्तीची ठिकाणे नष्ट केली जात असल्याचा आरोप थायलंडने केला. थायलंडनेही युद्धात क्लस्टर बॉम्ब वापरल्याचा दावा कंबोडियाने केला. दोन्ही बाजूने हा वापर आंतरराष्ट्रीय कायद्याच्या चौकटीत नाही म्हणून चर्चा आहे. मानवी हक्क संस्थांनी या संघर्षात नागरिकांचे रक्षण करण्याची आंतरराष्ट्रीय स्तरावर विनंती केली आहे. बालक, रुग्णालये, सांस्कृतिक ठिकाणे हे हल्ल्यांचा उद्देश नव्हता तरीही बाधित झाल्याची माहिती एचआरडब्ल्यूने दिली आहे.

थायलंडची अंतरिम पंतप्रधान फुमथम वॆचायाचाय यांनी स्पष्ट केले की, त्यांनी आंतरराष्ट्रीय देशांच्या मध्यस्थतेची ऑफर स्वीकारली नाही. ते द्विपक्षीय चर्चेनेच हा वाद सोडवणार आहेत असे म्हणाले. ते म्हणतात, "आता युद्ध थांबले पाहिजे. पहिल्यांदा संघर्ष थांबायला हवा." या संघर्षामुळे थायलंडच्या सीमा परिसरातील शेकडो शाळा, रुग्णालये आणि इतर ठिकाणे बंद करण्यात आली आहेत. अनेकांनी तात्पुरते निवासांमध्ये आश्रय घेतला आहे. आंतरराष्ट्रीय समुदाय शांततेचे आवाहन करत आहे.