श्रीगोंदा तालुक्यात शरद पवार गटाला धक्का; अनेक कार्यकर्त्यांचा भाजपमध्ये प्रवेश

मुंबई : श्रीगोंदा तालुक्यातील शरद पवार गटाच्या अनेक कार्यकर्त्यांनी भाजपमध्ये प्रवेश केला आहे. प्रदेशाध्यक्ष रवींद्र चव्हाण यांच्या उपस्थितीत मंगळवार, १५ जुलै रोजी हा पक्षप्रवेश सोहळा पार पडला.

यावेळी आमदार विक्रमसिंह पाचपुते, भाजपा तालुकाध्यक्ष विक्रम भोसले, शहर अध्यक्ष धनराज कोथिंबीरे यावेळी उपस्थित होते. श्रीगोंदा तालुका खरेदी विक्री संघाचे चेअरमन, श्रीगोंदा सहकारी साखर कारखान्याचे माजी संचालक राष्ट्रवादी काँग्रेसचे सुभाषराव काळाने, शरद पवार गटाचे बेलवंडीचे माजी सरपंच, बेलवंडी व्यापारी पतसंस्था चेअरमन उत्तमराव डाके, तांदळी दुमालाचे सरपंच आणि उद्योजक संजय निगडे यांच्यासह अनेक कार्यकर्त्यांनी भाजपमध्ये प्रवेश केला.

यासोबतच मढेवडगाव सेवा सोसायटीचे माजी चेअरमन सुदेश (बंडू) मांडे यांच्यासोबत तांदळी दुमाला येथील अनेक कार्यकर्त्यांनीही भाजपमध्ये प्रवेश केला. यामध्ये माजी सरपंच देविदास भोस, विद्यमान उपसरपंच संतोष हराळ, माजी उपसरपंच तुषार धावडे तसेच ग्रामपंचायत सदस्य रामदास गंगाधरे, नरसिंग भोस, झुंबर खरांगे, संतोष बोरुडे, तांदळेश्वर सोसायटीचे माजी संचालक प्रवीण काळेवाघ, जयसिंग भोस, कुंडलिक काळेवाघ, दगडू काळेवाघ यांचा समावेश आहे.