दिल्ली दंगल खटल्यावर नव्याने सुनावणी होणार

नवी दिल्ली : दिल्ली उच्च न्यायालयात न्यायालयीन बदल्यांनंतर दिल्ली दंगल कट प्रकरणावर न्यायालय नव्याने युक्तीवाद ऐकणार आहे.

सरकारी वकिलांनी आधीच त्यांचे युक्तिवाद पूर्ण केले आहेत. पाचही आरोपींनीही आरोपाच्या मुद्द्यावर त्यांचे युक्तिवाद पूर्ण केले आहेत. दिल्ली पोलिसांच्या विशेष कक्षाने २०२० मध्ये एफआयआर नोंदवला होता, आरोपावरील युक्तिवाद गेल्या वर्षीच सुरू झाला होता, ज्याची सुनावणी अतिरिक्त सत्र न्यायाधीश समीर बाजपेयी यांनी विस्तृतपणे केली होती. तथापि, अलीकडेच दिल्ली उच्च न्यायालयाने न्यायाधीश बाजपेयी यांच्यासह १३५ न्यायाधीशांच्या बदलीची सूचना देणारा प्रशासकीय आदेश जारी केला आहे.

सरकारी वकिल पुन्हा एकदा दिल्ली पोलिसांच्या १७,००० पानांच्या आरोपपत्रासह सर्व संबंधित कागदपत्रे नवीन न्यायाधीश, अतिरिक्त सत्र न्यायाधीश ललित कुमार यांच्यासमोर सादर करतील. सोमवारी नवीन न्यायाधीशांसमोर हा खटला ठेवण्यात आला होता. त्यावेळी त्यांनी आरोपाच्या मुद्द्यावरील युक्तिवाद जलदगतीने करावेत, असे सांगितले. न्यायालयाने सरकारी वकिलांना आणि आरोपींच्या वकिलांना त्यांचा युक्तिवाद किती वेळ आणि कोणत्या पद्धतीने करायचा, यासंबंधीचे वेळापत्रक सादर करण्याचे निर्देश दिले आहेत. आता या खटल्याची सुनावणी ६ जून रोजी दुपारी १२ वाजता होईल.