बाईकवर टोलची बातमी? गडकरी म्हणाले, "असल्यांची मी..."

नवी दिल्ली : (No proposal to levy toll on two-wheelers) देशभरातील दुचाकी वाहनधारकांकडूनही सरकार टोल वसूल करणार असल्याच्या बातम्या गुरुवारी सकाळी समाज माध्यमांवर व्हायरल होऊ लागल्या. तथापि, केंद्रीय रस्ते वाहतूक आणि महामार्ग मंत्री नितीन गडकरी (Nitin Gadkari) यांनी यावर स्पष्टीकरण देत हे वृत्त दिशाभूल करणारे आणि खोटे असल्याचे म्हटले आहे.

📢 महत्वपूर्ण

कुछ मीडिया हाऊसेस द्वारा दो-पहिया (Two wheeler) वाहनों पर टोल टैक्स लगाए जाने की भ्रामक खबरें फैलाई जा रही है। ऐसा कोई निर्णय प्रस्तावित नहीं हैं। दो-पहिया वाहन के टोल पर पूरी तरह से छूट जारी रहेगी। बिना सच्चाई जाने भ्रामक खबरें फैलाकर सनसनी निर्माण करना स्वस्थ…

— Nitin Gadkari (@nitin_gadkari) June 26, 2025

नितीन गडकरी यांनी गुरुवारी २६ जून रोजी आपल्या अधिकृत एक्स अकाऊंटवरून एक पोस्ट शेअर केली आहे. ज्यामध्ये म्हटले आहे की, "काही माध्यमांद्वारे दुचाकी वाहनांवर टोल लावण्याबाबत दिशाभूल करणाऱ्या बातम्या पसरवण्यात येत आहेत. दुचाकी वाहनांना टोल लावण्याचा कोणताही निर्णय प्रस्तावित नाही. दुचाकी वाहनांना टोलमधून पूर्णपणे सूट असणार आहे. सत्यता न पडताळता दिशाभूल करणाऱ्या बातम्या पसरवून खळबळ उडवणे हे निरोगी पत्रकारितेचे लक्षण नाही. मी याचा निषेध करतो", असे गडकरी यांनी या पोस्टमध्ये म्हटले आहे.

#FactCheck: Some sections of the media have reported that the Government of India plans to levy user fees on two-wheelers. #NHAI would like to clarify that no such proposal is under consideration. There are no plans to introduce toll charges for two-wheelers. #FakeNews

— NHAI (@NHAI_Official) June 26, 2025

दुचाकी वाहनांच्या टोल आकारणीबाबत भारतीय राष्ट्रीय महामार्ग प्राधिकरणाने (NHAI) अधिकृत एक्स अकाऊंटवर केलेल्या एका पोस्टमध्ये म्हटले आहे की, "असा कोणताही प्रस्ताव भारत सरकारकडून पुनरावलोकन किंवा विचाराधीन नाही." त्यामुळे यासंदर्भात केंद्र सरकारने कोणतीही अधिकृत अधिसूचना जारी केली नव्हती, मात्र विविध माध्यमांनी दिलेल्या अशा प्रकारच्या बातम्यामुळे दुचाकी वाहनधारकांमध्ये चिंतेचे वातावरण निर्माण झाले होते. मात्र आता याच बाबत नितीन गडकरी यांनी ट्विट करत माहिती दिली आहे.