पॅरिसमध्ये डीआरडीओ दाखवणार भारताचे अत्याधुनिक संरक्षण तंत्रज्ञान - तेजस लढाऊ विमानासह ड्रोन आणि हवाई संरक्षण प्रणालींचा समावेश

नवी दिल्ली : विशेष प्रतिनिधी पॅरिस येथे सध्या सुरू असलेल्या एअर शो २०२५ मध्ये संरक्षण संशोधन आणि विकास संस्था अर्थात डीआरडीओ अत्याधुनिक मानवरहित वाहने (युएव्ही), प्रगत एव्हियोनिक्स आणि स्वदेशी संरक्षण प्रणालींसह स्वदेशी तंत्रज्ञानाचे प्रदर्शन संपूर्ण जगासमोर करण्यास सज्ज आहे.

डीआरडीओने एक्सवर व्हिडीओद्वारे भारताच्या सहभागाची माहिती दिली आहे. व्हिडिओमध्ये, डीआरडीओने त्यांच्या 'अस्त्र' या एअर-टू-एअर क्षेपणास्त्रांच्या 'बियॉन्ड-व्हिज्युअल-रेंज (बीव्हीआर) श्रेणीचे प्रदर्शन केले, जे लढाऊ विमानांवर बसवण्यासाठी डिझाइन केलेले आहे. डीआरडीओनुसार, हे क्षेपणास्त्र दिवसा आणि रात्रीच्या सर्व हवामानात वापरता येणारे सुपरसॉनिक विमान वापरण्यास आणि नष्ट करण्यास डिझाइन केलेले आहे. विशिष्ट आवश्यकता पूर्ण करण्यासाठी हे क्षेपणास्त्र अनेक प्रकारांमध्ये विकसित केले जात आहे. त्याचप्रमाणे भारतीय हवाई दलात समाविष्ट होणारी एसयू-३० एमके-आय विमानासह एकत्रित केलेली एस्ट्रा एमके-आय वेपन सिस्टम देखील प्रदर्शनात आहे.

व्हिडिओमध्ये लाइट कॉम्बॅट एअरक्राफ्ट (एलएसी) एअर फोर्स मार्क २ अर्थात तेजस एमके-२ या हिंदुस्तान एरोनॉटिक्स लिमिटेड (एचएएल) द्वारे निर्मित स्वदेशी लढाऊ विमानाचाही उल्लेख आहे. डीआरडीओद्वारे एअरबोर्न अर्ली वॉर्निंग अँड कंट्रोल सिस्टीमदेखील प्रदर्शित केली जाईल जी शत्रू अथवा शत्रू विमाने आणि युएव्ही शोधण्यासाठी उपयुक्त ठरते. त्याचप्रमाणे हेलिकॉप्टर-आधारित नाग अर्थात हेलिना यंत्रणा, अॅडव्हान्स्ड लाइट हेलिकॉप्टर वर बसवलेली तिसऱ्या पिढीची फायर-अँड-फॉरगेट क्लास अँटी-टँक गाईडेड मिसाईल (एजीटीएम) सिस्टम देखीलप्रदर्शनात प्रदर्शित केली जात आहे.