Fact Check : "दादर चौपाटी बंद!", असे सांगणारा तो मेसेज खोटा! वाचा मुंबई पोलीसांनी काय सांगितलं?

मुंबई : भारत आणि पाकिस्तानमधील सुरू असलेल्या तणावामुळे दादर चौपाटी बंद करण्यात आल्याची खोटी माहिती व्हॉट्सअॅप ग्रुप्सवर पसरवल्या जात आहेत तर याबाबत मुंबई पोलिसांनी X च्या माध्यमातून सहास्पष्टीकरण दिले आहे.

शुक्रवारी मुंबई पोलिसांनी हे स्पष्टीकरण दिले की, "दादर चौपाटी बंद करण्याबाबत व्हॉट्सअॅप ग्रुपवर बनावट मेसेज प्रसारित केले जात आहेत. कृपया माहिती द्या की दादर चौपाटी सर्व नागरिकांसाठी खुला आहे.’’

मुंबई पोलिस पुढे म्हणाले की, ’’आम्ही सर्व मुंबईकरांना विनंती करतो की त्यांनी फक्त अधिकृत सरकारी पोर्टलद्वारे शेअर केलेल्या माहितीवर अवलंबून राहावे. कृपया सोशल मीडियावर फिरणाऱ्या असत्यापित बातम्या, फॉरवर्ड केलेले संदेश किंवा अनधिकृत ऑनलाइन स्रोत फॉरवर्ड करू नका किंवा त्यांच्यावर विश्वास ठेवू नका. तुमच्या सहकार्यामुळे आम्हाला चुकीच्या माहितीचा प्रसार रोखण्यास मदत होईल.’’