'ऑपरेशन सिंदूर'च्या माध्यमातून पहलगाम हल्ल्याचा बदला!

 

मिळालेल्या माहितीनुसार, भारताने रात्री १:१० ते १:२० च्या दरम्यान पाकिस्तानवर हवाई हल्ला केला. या हल्ल्यात जैश-ए-मोहम्मदचे भावलपूरमधील कार्यालय, मुझफ्फराबाद सेंट्रल ग्रिड सिस्टम आणि हाफिज सईदचे मरिदके येथील कार्यालय यासह नऊ ठिकाणी हल्ला करण्यात आला. दहशतवादी छावण्यांना लक्ष्य करण्यासाठी विशेष अचूक शस्त्रे वापरली गेली. तिन्ही दलांनी संयुक्तपणे ही कारवाई केली. भारतातील दहशतवादी कारवायांना प्रोत्साहन देण्यात भूमिका बजावणाऱ्या जैश-ए-मोहम्मद आणि लष्करच्या वरिष्ठ नेतृत्वाला लक्ष्य करण्याच्या उद्देशाने भारतीय लष्कराने हल्ल्यांसाठी हे ठिकाण निवडले होते.

 

ऑपरेशन सिंदूरनंतर सीमावर्ती भागात अलर्ट जारी करण्यात आला आहे. जम्मू आणि काश्मीरमधील सध्याची परिस्थिती पाहता, जम्मू, सांबा, कठुआ, राजौरी आणि पूंछ येथील सर्व शाळा, महाविद्यालये आणि शैक्षणिक संस्था बंद ठेवण्यात आल्या आहेत.