तैमूर नगर परिसरातील बेकायदा बांधकामांवर बुलडोझर; बांगलादेशींची १०० हून अधिक घरे जमीनदोस्त!

मुंबई (विशेष प्रतिनिधी) : (Bulldozer on illegal Construction in Taimoor Nagar) दिल्ली उच्च न्यायालयाच्या आदेशानुसार, डीडीए प्रशासनाने पोलिस आणि इतर विभागांसह सोमवार, दि. ५ मे रोजी तैमूर नगर नाल्याभोवतीच्या अतिक्रमणांविरुद्ध मोठी कारवाई केली. नाल्याच्या नऊ मीटर परिसरात असलेल्या अनेक बेकायदेशीर इमारती आणि त्यांच्या बांधकामांवर बुलडोझर फिरवण्यात आला. अधिकाऱ्यांचे म्हणणे आहे की बेकायदेशीरपणे राहणाऱ्या बांगलादेशींनी नाल्याजवळील जमिनीवर अतिक्रमण केले होते. आतापर्यंत, बेकायदेशीरपणे बांधलेली १०० हून अधिक घरे आणि दुग्धशाळा पाडण्यात आल्या आहेत. परिस्थिती नियंत्रणात आणण्यासाठी दिल्ली पोलिस आणि रॅपिड अॅक्शन फोर्सचे जवान गस्त घालत होते.

हे वाचलंत का? : युद्धाच्या भितीने पाकिस्तानचा थरकाप; हजारो मदरसे अनिश्चित काळासाठी बंद, दहशतवाद्यांची ठिकाणेही हलवली

अशी माहिती आहे की, दि. २८ एप्रिल रोजी दिल्ली उच्च न्यायालयाने डीडीए प्रशासनाला दक्षिण पूर्व दिल्लीतील तैमूर नगर नाल्याभोवतीचे अतिक्रमण हटवण्याचे निर्देश दिले होते. स्थानिक रहिवाशांनी नाल्यात सतत घाण साचत असल्याबद्दल आणि त्याची योग्य स्वच्छता न केल्याबद्दल तक्रारी केल्या होत्या. अहवालांनुसार, तैमूर नगर नाल्यामुळे पावसाळ्यात अनेक समस्या निर्माण होतात. अशा परिस्थितीत, अतिक्रमण हटविण्यासाठी विशेष पाऊल उचलण्याची गरज असल्याचे सांगण्यात येते आहे.

पावसाळ्यात घरांमध्ये पाणी शिरते.

तैमूर नगर गाव, झोपडपट्ट्या, श्रीनिवासपुरी, गढी, कालिंदी, न्यू फ्रेंड्स कॉलनी आणि फ्रेंड्स कॉलनी वेस्ट हे भाग नाल्याजवळ येतात. येथे तीन लाखांहून अधिक लोक राहतात. पावसाळ्यात नाल्याभोवती राहणाऱ्या लोकांना अनेक समस्यांना तोंड द्यावे लागते असे सांगितले जात आहे. पावसाळ्यात काही तासांतच घरांमध्ये गटारांचे पाणी साचते. तैमूर नगरमधील बेकायदेशीर बांधकाम आणि घाणीमुळे नाल्याचे पाणी ओव्हरफ्लो होते आणि परिसरात पाणी साचते.