देशभर सायरन वाजणार! हवाई हल्ल्यासंदर्भात मॉकड्रील घेण्यासाठी गृहमंत्रालयाच्या राज्यांना सूचना

नवी दिल्ली, पहलगाम हल्ल्याचे गुन्हेगार आणि त्यांच्या समर्थकांना कठोर शिक्षा व्हायलाच हवी. त्यासाठी रशिया भारताच्या पाठिशी भक्कमपणे उभा आहे, अशी ग्वाही रशियाचे राष्ट्राध्यक्ष व्लादिमीर पुतिन यांनी पंतप्रधान नरेंद्र मोदी यांना सोमवारी दिली आहे.

यावेळी राष्ट्राध्यक्ष पुतीन यांनी भारतातील पहलगाम येथे झालेल्या दहशतवादी हल्ल्याचा तीव्र निषेध केला. त्यांनी निष्पाप जीवितहानीबद्दल तीव्र शोक व्यक्त केला आणि दहशतवादाविरुद्धच्या लढाईत भारताला पूर्ण पाठिंबा दर्शविला. या भयानक हल्ल्यातील गुन्हेगारांना आणि त्यांच्या समर्थकांना शिक्षा झालीच पाहिजे यावर त्यांनी भर दिला. त्याचप्रमाणे दोन्ही नेत्यांनी भारत-रशिया विशेष आणि विशेषाधिकारप्राप्त धोरणात्मक भागीदारी आणखी दृढ करण्याच्या त्यांच्या वचनबद्धतेचा पुनरुच्चार केला, अशी माहिती परराष्ट्र मंत्रालयाचे अधिकृत प्रवक्ते रणधीर जयस्वाल यांनी दिली आहे.

दरम्यान, पंतप्रधानांनी विजय दिनाच्या ८० व्या वर्धापन दिनानिमित्त राष्ट्राध्यक्ष पुतिन यांना शुभेच्छा दिल्या आणि वर्षाच्या अखेरीस भारतात होणाऱ्या वार्षिक शिखर परिषदेसाठी त्यांना आमंत्रित केले आहे.

सरकारी सूत्रांनी दिलेल्या माहितीनुसार, केंद्रीय गृह मंत्रालयाने ७ मे रोजी प्रभावी नागरी संरक्षणासाठीच्या बाबींसाठी भारतातील अनेक राज्यांना मॉक ड्रिल आयोजित करण्यास सांगितले आहे. त्यामध्ये खालील बाबींचा समावेश असेल –

५. निर्वासन योजनेचे अद्यतन आणि त्याची तपासणी.

पहलगाम हल्ल्यानंतर पाकची आर्थिक कोंडीही करण्यास भारताने प्रारंभ केला आहे. त्याचाच एक भाग म्हणून केंद्रीय अर्थमंत्री निर्मला सीतारामन यांनी सोमवारी आशियाई विकास बँकेचे अध्यक्ष मसातो कांडा यांची भेट घेतली. यावेळी त्यांनी पाकचे अर्थसहाय्य रोखण्याचे आवाहन केले. त्याचप्रमाणे केंद्रीय अर्थमंत्र्यांनी ईटलीसही पाकचे अर्थसहाय्य रोखण्याचे आवाहन केल्याची माहिती सूत्रांनी दिली आहे.