स्वतः शंकराचार्यच म्हणाले, राहुल गांधींची हकालपट्टी करा! नेमकं प्रकरण काय?

मुंबई (विशेष प्रतिनिधी) : (Shankaracharya on Rahul Gandhi) ज्योतिर्मठ, रुद्रप्रयाग, उत्तराखंडचे शंकराचार्य अविमुक्तेश्वरानंद यांनी राहुल गांधी यांची हिंदू धर्मातून हकालपट्टी करण्याची घोषणा नुकतीच केली. संसदेत मनुस्मृतीविरुद्ध केलेल्या विधानामुळे शंकराचार्यांनी ही घोषणा केली. विरोधी पक्षनेते राहुल गांधींना मनुस्मृतीविरोधात भाष्य केले होते. त्यावर उत्तर देत अविमुक्तेश्वरानंद म्हणाले, राहुल गांधींच्या विधानावरून हे स्पष्ट झाले की मनुस्मृतीला ते त्यांचे पुस्तक मानत नाहीत. जर ते हिंदू असते तर त्यांनी ते त्यांचे पुस्तक मानले असते. जो मनुस्मृतीला आपला ग्रंथ मानत नाही तो हिंदू असू शकत नाही, त्याच्या हिंदू असण्यातच समस्या आहे. त्यामुळे राहुल गांधींना हिंदू धर्माचे अनुयायी मानले जाऊ नये आणि त्यांना मंदिरात प्रवेश देऊ नये.

हे वाचलंत का? : प्रख्यात योगगुरू पद्मश्री शिवानंद बाबा कालवश

अविमुक्तेश्वरानंद यांनी सर्व १८ स्मृतींना हिंदू ग्रंथ म्हणून घोषित केले आणि त्यांना धार्मिक धर्मग्रंथ म्हणून घोषित केले. ते म्हणाले, मनुस्मृती ही या जगातील पहिली राज्यघटना आहे, आपण हिंदू त्यावर विश्वास ठेवतो. आजही आपण त्यानुसार आपले जीवन जगतो. जेव्हा एखादी व्यक्ती सतत हिंदू धर्मग्रंथांचा अपमान करते आणि स्पष्टीकरण देण्यास टाळाटाळ करते, तेव्हा त्याला हिंदू धर्मात स्थान देता येत नाही." शंकराचार्य यांच्या या विधानामुळे राजकीय वर्तुळात खळबळ उडाली आहे. राहुल गांधी यापूर्वीही त्यांच्या विधानांमुळे वादात सापडले आहेत, परंतु धार्मिक संघटनेकडून त्यांना सार्वजनिक बहिष्काराचा सामना करावा लागत आहे.