कांदिवलीत पाणीबाणी! 'या' कालावधीत बंद राहणार पाणीपुरवठा!

कांदिवली (पूर्व) येथील ठाकूर संकुलद्वार, पश्चिम द्रुतगती महामार्ग येथे ९०० मिलीमीटर व्यासाच्या जलवाहिनीसोबतच ९०० मिलीमीटर व्यासाची अन्य जलवाहिनी जोडणे व व्यासाची झडप बसविणे ही कामे हाती घेण्यात येणार आहे. सोमवार, दिनांक २ जून २०२५ रोजी दुपारी १.३० वाजेपासून मंगळवार, दिनांक ३ जून २०२५ रोजी सकाळी ७.३० वाजेपर्यंत संपूर्ण जलवाहिनीचा पाणीपुरवठा बंद करावा लागणार आहे. दुरुस्तीच्या प्रत्यक्ष कालावधीत आर दक्षिण विभागातील खालील परिसरांमध्ये पाणीपुरवठा बंद राहणार आहे.

आर दक्षिण विभागातील ठाकूर गाव, समता नगर म्हाडा, चिखलवाडी, जानूपाडा, कांदिवली (पूर्व) या विभागात पाणीपुरवठा नियमित वेळेनुसार सोडले जाणार आहे. मात्र, नियमित पाणीपुरवठ्याची वेळ सायंकाळी ६.२५ ते रात्री ८.२५ असेल. दूसरे दिवशी दिनांक २ जून २०२५ रोजी पाणीपुरवठा पूर्ण बंद राहील.

’’कृपया संबंधित विभागातील नागरिकांनी खबरदारीचा उपाय म्हणून पाण्याचा आवश्यक साठा करुन ठेवावा. तसेच पाणीपुरवठा बंदच्या कालावधीत काटकसरीने पाणी वापरुन सहकार्य करावे,’’ असे आवाहन बृहन्मुंबई महानगरपालिका प्रशासनाच्या वतीने करण्यात आले.