सीमावर्ती राज्यांममधील मॉक ड्रिल पुढे ढकलली, २९मे रोजी हरियाणामध्ये पार पडणार मॉक ड्रिल

नवी दिल्ली : भारत सरकारने 'ऑपरेशन शील्ड' अंतर्गत २९ मे २०२५ रोजी सीमावर्ती राज्यांमध्ये नागरी संरक्षण मॉक ड्रिल आयोजित करण्याचे नियोजित केले होते. काही प्रशासकीय कारणांमुळे ही ड्रिल राजस्थान, गुजरात, पंजाब, हरियाणा, जम्मू-काश्मीर आणि चंदीगड येथे पुढे ढकलण्यात आली आहे.

पंजाब सरकारने केंद्र सरकारकडे नवीन तारीख मागितली, आता ३ जून रोजी ही ड्रिल घेण्यात येणार आहे. पंजाबमधील नागरी संरक्षण कर्मचारी सध्या एनडीआरएफच्या प्रशिक्षणात व्यस्त असल्यामुळे ही मागणी करण्यात आली होती. राजस्थान आणि गुजरातमध्येही ही ड्रिल पुढे ढकलण्यात आली आहे. राजस्थानच्या गृह विभागाने सांगितले की, नवीन तारीख लवकरच जाहीर केली जाईल.

हरियाणामध्ये २९ मे रोजी सायंकाळी ५ ते ९ या वेळेत मॉक ड्रिल पार पडणार आहे. या ड्रिलमध्ये हवाई हल्ले, ड्रोन आक्रमण यांसारख्या आपत्कालीन परिस्थितींचा सराव करण्यात येणार आहे. त्यासाठी सायरनचा वापर, नागरिकांचे स्थलांतर, वैद्यकीय आणि आपत्कालीन प्रतिसाद यंत्रणांची चाचणी केली जाईल. 'ऑपरेशन शील्ड' ही नागरी संरक्षणाची सराव मोहीम आहे, ज्याद्वारे आपत्कालीन परिस्थितीत नागरिकांची आणि प्रशासनाची तयारी तपासली जाते. या मोहिमेचा उद्देश सीमावर्ती भागांमध्ये सुरक्षेची चाचणी घेणे आहे. नवीन तारखा लवकरच जाहीर केल्या जातील.