सरसंघचालकांनी शिर्डी येथे घेतले साईंचे दर्शन

मुंबई (विशेष प्रतिनिधी) : (Dr. Mohanji Bhagwat at Shirdi) राष्ट्रीय स्वयंसेवक संघाचे सरसंघचालक डॉ. मोहनजी भागवत यांनी रविवार, दि. १८ मे रोजी शिर्डी येथे श्री साईबाबा यांचे दर्शन घेतले तसेच साईबाबा समाधी मंदिरात श्रींचे पाद्यपुजन केले. शिर्डी विमानतळ येथून नाशिकला जाण्यापूर्वी ते साई मंदिरात आले होते.

हे वाचलंत का? : पाकिस्तानने बलुचिस्तानच्या ८०% पेक्षा जास्त भागावरील नियंत्रण गमावले?

मंदिर परिसरात सरसंघचालकांचे आगमन होताच मुख्यकार्यकारी अधिकारी गोरक्ष गाडीलकर ( IAS) भिमराज दराडे यांनी त्यांचे पुष्पगुच्छ देऊन स्वागत केले. यावेळी त्यांनी द्वारकामाई, समाधी मंदिर व गुरुस्थान येथेही दर्शन घेतले. साई मंदिरात संस्थान अधिकाऱ्यांनी श्री साई मूर्ती, श्री साई चरित्र उदी प्रसाद आणि शाल श्रीफळ देऊन सरसंघचालकांचा सत्कार केला.

 
सरसंघचालकांचा अभिप्राय

सरसंघचालकांनी आपल्या अभिप्रायात लिहिताना म्हटले की, १८५७ च्या स्वातंत्र्ययुद्धानंतर भारताच्या नवोत्थानाचा पाया या नात्याने भारतभर समाजाचे प्रबोधन, अध्यात्म तत्व आणि व्यवहार या मूलभूत घटकाचे ज्या ईश्वरीय योजनेने झाले त्याचा एक भाग म्हणजे शिर्डीचे साईबाबा होत. देह त्यागानंतरही त्यांची तपस्या अनेकांना पथ दर्शक ठरते ही प्रचिती आहे. अशा श्री बाबांचा समाधी मंदिराचा नित्य कार्य विकास व त्याचे नित्य उत्तम व्यवस्थापन करणाऱ्या सर्व कार्यकर्ता मंडळींचे कृतज्ञतापूर्वक धन्यवाद.'