भारताचे अमेरिकेला उत्तर, स्टील-अॅल्युमिनियम टॅरिफवर मोठी घोषणा
13 May 2025 16:51:12
नवी दिल्ली, स्टील आणि अॅल्युमिनियमवरील अमेरिकेच्या शुल्काला प्रत्युत्तर म्हणून भारतातर्फे प्रत्युत्तरात्मक अमेरिकेतून येणाऱ्या काही वस्तूंवर शुल्क लादले जाईल, असे भारताने सोमवारी जागतिक व्यापार संघटनेस (डब्ल्यूटीओ) सांगितले आहे.
अमेरिकेच्या स्टील आणि अॅल्युमिनियमवरील शुल्काच्या प्रतिसादात भारत आपले व्यापार फायदे आणि दायित्वे रोखू शकतो, असे भारताने डब्ल्यूटीओला सांगितले आहे. अमेरिकेचे हे पाऊल जागतिक व्यापार संघटनेच्या व्यापार नियम आणि सुरक्षा कराराच्या विरोधात असल्याचे भारताचे म्हणणे आहे. भारताने म्हटले आहे की अमेरिकेने आवश्यक वाटाघाटी केल्या नाहीत, त्यामुळे ते त्यांच्या व्यापारात झालेल्या नुकसानाइतकेच प्रत्युत्तरात्मक शुल्क लादू शकतात. यासाठी भारत काही अमेरिकन वस्तूंवरील शुल्क वाढवेल.
३० दिवसांनंतर शुल्क लादण्याचा आणि वस्तू आणि शुल्क दर बदलण्याचा अधिकार भारत राखून ठेवतो, असेही भारताने म्हटले आहे. भविष्यात या प्रस्तावात बदल करण्याचा किंवा नवीन प्रस्ताव आणण्याचा अधिकारही भारत राखून ठेवतो. भारतानेही हा मुद्दा थेट अमेरिकेकडे उपस्थित केला आहे. २०१८ मध्ये अमेरिकेने स्टील आणि अॅल्युमिनियमवर शुल्क लादले. याला प्रत्युत्तर म्हणून, भारताने जून २०१९ मध्ये बदाम आणि अक्रोडसह २८ अमेरिकन वस्तूंवर शुल्क लादले आणि डब्ल्यूडीओ कडे तक्रार केली.