पाकच्या सहा प्रमुख सैन्यतळांवर भारताचा अचुक ‘स्ट्राईक’

 

नवी दिल्ली: ( India strike on six major Pakistani military bases ) विशेष प्रतिनिधी पाकिस्तानतर्फे भारतीय शहरांसह सैन्यतळांन लक्ष्य करण्याचा प्रयत्न मोडून काढल्यानंतर भारताने ‘ऑपरेशन सिंदूर’अंतर्गत पाकचे सहा सैन्यतळ, एक सैन्. विमानतळ आणि एका रडारतळावर लढाऊ विमानांसह अन्य शस्त्रास्त्रांनी हल्ला करून धडा शिकवला आहे.

 

गेल्या चार दिवसांपासून पाक भारताच्या अनेक सीमावर्ती जिल्ह्यांवर सतत विविध हल्ले करत आहे. ज्यामध्ये नागरी भागात क्षेपणास्त्रे, ड्रोन फायरिंग तसेच मोर्टार डागले जात आहेत. गुरुवारी रात्रीही पाकने अनेक भारतीय हवाई तळांना लक्ष्य केले, जे भारतीय लष्कराच्या हवाई संरक्षण यंत्रणेने हाणून पाडले.

 

यानंतर, भारताने प्रत्युत्तर देत पाक अनेक लष्करी तळांना लक्ष्य केले आहे. यासोबतच, भारताने पाकिस्तानच्या रडार साइट आणि विमान वाहतूक तळावर लक्ष्यित हल्ला केला आहे. यासाठी भारताने आपले अत्याधुनिक लढाऊ विमाने आणि अन्य शस्त्रास्त्रांचा वापर केला आहे. याद्वारे पाकच्या संरक्षण व्यवस्थेस पांगळे करण्यास भारतास यश आले आहे.

 

 

 

हे एअरबेस पाकिस्तान हवाई दलाची जीवनरेखा आहे, याला नूर खान एअरबेस असेही म्हणतात. हे नाव पाकिस्तानचे माजी हवाई दल प्रमुख एअर मार्शल नूर खान यांच्या नावावरून ठेवण्यात आले आहे. हे बहुतेकदा व्हीआयपी हालचाली आणि लॉजिस्टिक्स ऑपरेशन्ससाठी वापरले जाते.

 

 

हे पाकिस्तानच्या पंजाब प्रांतात स्थित एक प्रमुख लष्करी विमानतळ आहे. पाकिस्तानकडून हवाई संरक्षण, प्रशिक्षण आणि लढाऊ कारवायांसाठी याचा वापर केला जातो. येथे अनेक मानवरहित ड्रोन देखील तैनात आहेत. हे एअरबेस राजधानी इस्लामाबादपासून सुमारे १२० किमी अंतरावर आहे.

 

 

पंजाब प्रांतातील झांग जिल्ह्यातील रफीकी एअरबेस आक्रमक हवाई कारवायांसाठी ओळखला जातो. येथे जेएफ-१७ आणि मिराज सारखी लढाऊ विमाने तैनात आहेत. हा पाकिस्तानच्या हवाई सुरक्षेचा एक महत्त्वाचा भाग आहे.

 

 

रहिमयार खान एअरबेस पाकिस्तानच्या पंजाब प्रांताच्या दक्षिणेकडील भागात आहे. हे एअरबेस पाकिस्तान हवाई दलाचे सक्रिय लष्करी विमानतळ नाही, परंतु आंतरराष्ट्रीय विमानतळ असल्याने त्याचे वेगळे महत्त्व आहे. हे विमानतळ नागरी उड्डाणांसाठी वापरले जाते आणि पाकिस्तान नागरी विमान वाहतूक प्राधिकरणाद्वारे चालवले जाते.

 

 

सदर्न एअर कमांड अंतर्गत, सिंध प्रांतातील कराची आणि हैदराबाद दरम्यान स्थित जामशोरो जिल्ह्यात एक सक्रिय कार्यरत एअरबेस आहे. ते पीएएफ बेस भोलारी म्हणून ओळखले जाते. ते अलिकडेच सक्रिय करण्यात आले आणि आता येथे १९ स्क्वॉड्रन आणि एक ऑपरेशनल कन्व्हर्जन युनिट तैनात आहे. येथून एफ-१६ए, बी ब्लॉक १५एडीएफ लढाऊ विमाने चालवली जातात.

 

 

हे पाकिस्तान हवाई दलाचे (पीएएफ) एक प्रमुख ऑपरेशनल एअरबेस आहे. हे हवाई तळ लाहोरच्या दक्षिणेस सुमारे ७० किलोमीटर अंतरावर पंजाब प्रांतातील चुनियान शहराजवळ आहे. हे एअरबेस पाकिस्तानच्या हवाई संरक्षण यंत्रणेचा एक महत्त्वाचा भाग मानले जाते.