महाबळेश्वर येथे २ मे ते ४ मे 'महाराष्ट्र महापर्यटन उत्सव'चे आयोजन :पर्यटनमंत्री शंभूराज देसाई

मंत्रालयातील मंत्रालय विधीमंडळ वार्ताहर कक्ष येथे आयोजित पत्रकार परिषदेत पर्यटनमंत्री शंभूराज देसाई बोलत होते.यावेळीमहाराष्ट्र पर्यटन विकास महामंडळाचे व्यवस्थापकीय संचालक मनोज सुर्यवंशी,पर्यटन संचालक डॉ.बी.एन.पाटील, महाराष्ट्र पर्यटन विकास महामंडळाचे महाव्यवस्थापक चंद्रशेखर जयस्वाल यावेळी उपस्थित होते. पर्यटनमंत्री शंभुराज देसाई म्हणाले की, यावर्षी महाराष्ट्र पर्यटन विकास महामंडळाच्या (एमटीडीसी) वतीने महाबळेश्वर येथे 'महापर्यटन उत्सव : सोहळा महाराष्ट्राचा' या तीनदिवसीय उत्सवाचे आयोजन करण्यात आले आहे. येत्या २ ते ४ मे दरम्यान सातारा जिल्ह्यातील महाबळेश्वर गीरीस्थानी येथे हा उत्सव संपन्न होणार आहे.पर्यटनदृष्टया प्रचंड क्षमता असलेली पर्यटन स्थळे त्यातील सातारा जिल्ह्यातील महाबळेश्वर हे थंड हवेचे ठिकाण येथे 'महापर्यटन उत्सव सोहळा महाराष्ट्राचा' या उत्सवाचे आयोजन करण्यात येणार आहे.

 

'महाराष्ट्र महापर्यटन उत्सव'चे उद्घाटन २ मे रोजी सायंकाळी ५ वाजता गोल्फ क्लब मैदान इथे उपमुख्यमंत्री एकनाथ शिंदे आणि उपमुख्यमंत्री अजित पवार यांच्या हस्ते होणार आहे.पर्यटनमंत्री शंभूराज देसाई, सार्वजनिक बांधकाम मंत्री शिवेंद्रसिंह भोसले, ग्रामविकास व पंचायतराज मंत्री जयकुमार गोरे, मदत व पुनर्वसन मंत्री मकरंद जाधव, पर्यटन राज्यमंत्री इंद्रनील नाईक, मुख्य सचिव अतुल पाटणे, एमटीडीसीचे व्यवस्थापकीय संचालक मनोजकुमार सूर्यवंशी यांच्यासह अनेक पर्यटनप्रेमी यावेळी उपस्थित राहतील. या उत्सवाला राज्यपाल सी. पी. राधाकृष्णन भेट देणार असून त्यांच्या हस्ते शनिवार, ३ मे रोजी 'छत्रपती प्रतापसिंह वन उद्यानाच्या नुतनीकरण पश्चात लोकार्पण सोहळा' तसेच 'पेटिट लायब्रेरीच्या नुतनीकरण केलेल्या वास्तूचे' उदघाटन होणार आहे.

 

पहलगाम मध्ये पर्यटकांवर झालेला भ्याड हल्ला लक्षात घेता पर्यटकांच्या सुरक्षिततेसाठी 'महाराष्ट्र पर्यटक सुरक्षा दल' हा पर्यटकांच्या सुरक्षिततेसाठी स्थापन करण्याचा निर्णय घेतला आहे. थमिक तत्वावर 3 महिन्यासाठी महाबळेश्वर येथे दि. ३ मे

या उत्सवात विविध नामवंत कलाकारांचे सांस्कृतिक कार्यक्रम, किल्ले आणि शास्त्र प्रदर्शनी, फूड फेस्टिव्हल, साहसी खेळांचे उपक्रम, मुलांसाठी कार्यशाळा, हेलिकॉप्टर राईड, ड्रोन शो, फूड स्टॉल, फ्ली बाजार, मंदिर तथा अन्य पर्यटन स्थळांना भेटी, फोटोग्राफी कार्यशाळा, तरंगता बाजार (फ्लोटिंग मार्केट), लेझर शो, योग सत्र आणि मोर्निंग रागाज – वाद्य संगीत, फन रन आणि सायक्लथॉन परिसंवाद- जल पर्यटनातील संधी, बायोडायनामिक फार्मिंग शाळा, महाराष्ट्राचे पर्यटन धोरण, कार्निवल परेड, हैप्पी स्ट्रीट, बोट प्रदर्शनी व कार्यशाळा, स्वरोत्सवचे आयोजन केले आहे.महाराष्ट्राचे पर्यटन धोरण २०२४, जलपर्यटनातील संधी आणि कृषी पर्यटन या विषयांवरील तीन परिषदा होणार आहेत.

 

महाबळेश्वर इथे ६० पंचतारांकित टेंट्स असतील, त्यात राहण्याची वेगळी अनुभूती लोकांना मिळणार आहे. यातील काही टेंट्स गोल्फ क्लब ग्राउंडजवळ, तर उर्वरित टेंट्स हे मौजे भोसे इथे मॅप्रो गार्डनजवळ असतील. महाबळेश्वर येथील सगळ्या पॉइंट्सचे उंचीवरून दर्शन घेण्याची संधी उत्सवाच्या निमित्ताने उपलब्ध करून देण्यात आली आहे. हा टॉप व्ह्यू बघता यावा यासाठी तिन्ही दिवस सकाळी १० ते दुपारी ४ या वेळेत हेलिकॉप्टर राइडची व्यवस्था मौजे भोसे इथल्या बाबा दुभाष फार्मवरून करण्यात आली आहे. याशिवाय सकाळी ११ ते सायंकाळी ५ या वेळेत दुभाष फार्म, पाचगणी टेबल टॉप आणि हॉर्स रायडिंग मैदान तापोळा इथे पॅराग्लायडिंग, पॅरासेलिंग, पाण्यातील खेळ अशा विविध साहसी खेळांचे उपक्रम आयोजित करण्यात आले आहेत.

महाराष्ट्राचा गड किल्ल्यांचा इतिहास लक्षात घेऊन वेण्णा लेकच्या शेजारील छत्रपती प्रतापसिंह उद्यानात सकाळी ९ ते सायंकाळी ७ या वेळात किल्ले आणि शस्त्र प्रदर्शनीचे आयोजन करण्यात आले आहे. यात स्वराज्यातील १० मुख्य किल्लायंच्या प्रतिकृती बनवल्या जाणार आहेत. तसेच युद्धात वापरल्या जाणाऱ्या जवळपास १००० शिवकालीन पुरातन शस्त्रांचा समावेश या प्रदर्शनामध्ये असेल.

उत्सवात कार्निव्हल परेड या भव्य सांस्कृतिक शोभायात्रेचे आयोजन दि. ३ मे रोजी सायंकाळी ४ वाजता करण्यात आले आहे. याशिवाय पावली, आदिवासी नृत्य, वासुदेव, गोंधळी, कडकलक्ष्मी, संबळ वादन अशा लोप पावत असलेल्या पारंपरिक कलांचा परिचय करून दिला जाईल. कार्निव्हल परेड साबणे रोडवरील स्वर्गीय बाळासाहेब ठाकरे चौकापासून निघेल आणि शिवाजी महाराज चौकात परेडचा समारोप होईल.

 

या उत्सवात ३ व ४तारखेला विल्सन पॉइंट येथे सकाळी ६ ते ७ या वेळेत गजानन सराफ आणि सहकारी हे योगसत्र घेणार आहेत. पहिल्या दिवशी सुविख्यात बासरीवादक अमर ओक हे मॉर्निंग रागाज हा वाद्य संगीताचा कार्यक्रम सादर करतील. फन रन आणि सायक्लोथॉनचे आयोजन करण्यात आले आहे. विल्सन पॉइंटपासून सुरू होणाऱ्या या फन रनची सांगता आराम चौकात आराम गेस्ट हाऊसच्या मैदानावर होईल. ४ तारखेला योग सत्रानंतर हॅपी स्ट्रीट या आगळ्यावेगळ्या आनंदमयी सत्राचे आयोजन विल्सन पॉइंट इथे करण्यात आले आहे.