दहशतवादी तहव्वूर राणाच्या एनआयए कोठडीत १२ दिवसांची वाढ

नवी दिल्ली, राष्ट्रीय राजधानीतील पटियाला हाऊस कोर्टाने सोमवारी २६/११ चा कट रचणारा इस्लामी दहशतवादी तहव्वुर राणा याच्या राष्ट्रीय तपास संस्थेच्या (एनआयए) कोठडीत आणखी १२ दिवसांची वाढ केली आहे.

दहशतवादी राणाच्या १८ दिवसांच्या एनआयए कोठडीची मुदत संपल्यानंतर त्याला विशेष एनआयए न्यायाधीश चंदरजीत सिंह यांच्यासमोर हजर करण्यात आले. एनआयएच्या वतीने वरिष्ठ वकील दयान कृष्णन आणि विशेष सरकारी वकील नरेंद्र मान यांनी युक्तिवाद केला. दिल्ली कायदेशीर सेवा प्राधिकरणाचे वकील पियुष सचदेवा यांनी आरोपी राणाची बाजू मांडली. एनआयएने तहव्वुर हुसेन राणाची कोठडी आणखी १२ दिवस वाढवण्याची न्यायालयाकडे मागणी केली होती, जी न्यायालयाने मान्य केली.