वसईतील ५०६ जण पुन्हा हिंदू धर्मात

 

(Image - स्वामी नरेंद्राचार्य संस्थान, वसई)

पालघर जिल्हा हा आदिवासीबहुल मानला जातो. येथील दुर्गम खेड्यापाड्यात रहिवास करणार्‍या या समाजात अद्यापही शिक्षण, पायाभूत सोयीसुविधा आणि बदलत्या जीवनशैलीचा अभाव दिसतो. यामुळे त्यांच्या भोळेपणाचा आणि अज्ञानाचा फायदा घेऊन वेगवेगळे आमिष दाखवून त्यांचे धर्मांतर केले जाते.

 

हिंदूंना विविध आमिषे दाखवून भूलथापा देऊन त्यांच्या अज्ञानाचा, गरिबीचा गैरफायदा घेऊन सनातन हिंदू धर्माबाबत अपप्रचार करून आणि अनेकदा धमकावून त्यांचे धर्मांतरण करण्यास भाग पाडले जात आहे. यामुळे सनातन हिंदू धर्माची मोठी हानी झालेली आहे. मात्र, अशा धर्मांतर केलेल्यांना पुन्हा हिंदू धर्मात घेतले जात आहे. या कुटुंबांना पुन्हा विधिवत धर्मप्रवेश देण्याचे महाअभियान जगद्गुरू रामानंदाचार्य नरेंद्राचार्य महाराज यांच्या मार्गदर्शनाखाली राबविले जात आहे.

 

शिरसाड (वसई) येथे शुक्रवार, दि. १८ एप्रिल रोजी असाच एक सोहळा संपन्न झाला. यावेळी ५०६ कुटुंबांनी स्वधर्मात प्रवेश केला. याअंतर्गत आतापर्यंत १ लाख, ५१ हजार, २७८ जणांना पुन्हा हिंदू धर्मात पुन्हा प्रवेश देण्यात आला आहे.

 

“मिशनरी वेगवेगळ्या प्रकारची आमिषे दाखवून हिंदू धर्मीय लोकांचा बाप्तिस्मा करतात. त्यांचे धर्मांतर करून घेतात. मात्र, त्यांचे मूळचे नाव बदलत नाहीत. ज्या लोकांना हिंदू धर्मातील उपासनापद्धती बदलल्यामुळे अपराधी वाटत होते, ते आम्हाला येऊन भेटले. म्हणून आम्ही त्यांना पूर्वीची उपासनापद्धती सुरू करून दिली आहे,” अशी माहिती जगद्गुरू नरेंद्राचार्य महाराज यांनी दिली.