हिमाचल प्रदेशमध्ये धावणार ऑलेक्ट्रा बस! २९७ ई-बसची सर्वात मोठी ऑर्डर
Total Views |
मुंबई : ( order of 297 e-buses ) २९७ इलेक्ट्रीक बसेस राज्य परिवहन महामंडळाने थेट विकत घेण्याची ऑर्डर हिमाचल रोड ट्रान्सपोर्ट कॉर्पोरेशन (HRTC) कडून नोंदवण्यात आली आहे. निवीदा प्रक्रियेनंतर ह्या बसेस पुरवण्याची जबाबदारी ऑलेक्ट्रा ग्रीनटेक लिमिटेडला देण्यात आली आहे त्या सदर्भातील एलओए कंपनीला देण्यात आले आहे.
या सर्व इ बसेस ९ मीटरच्या असून त्या नॉन एसी प्रकारातल्या आहेत. ही ऑर्डर भारताच्या कोणत्याही राज्य परिवहन महामंडळाने आतापर्यत केलेली सर्वात मोठी इलेक्ट्रिक बसेसची खरेदी आहे.
हिमाचल प्रदेशच्या आव्हानात्मक डोंगराळ प्रदेशात चालवण्यासाठी विशेषतः डिझाइन केलेल्या आहेत. या इलेक्ट्रिक बसेसमध्ये बसण्यासाठी 30 आसनांची क्षमता आहे. आणि एका चार्जवर १८० किलोमीटरपर्यंत बस प्रवास करू शकते. या ऑर्डरची किंमत ४२४ कोटी रुपये आहे ओलेक्ट्राला औपचारिकपणे एचआरटीसीचे कार्यकारी संचालक डॉ. मुरारी लाल (एचपीएएस) यांच्याकडून एलओए) देण्यात आले आहे.
ऑलेक्ट्राला ग्रीनटेक लिमिटेडचे अध्यक्ष आणि व्यवस्थापकीय संचालक श्री. के. व्ही. प्रदीप यांनी एवढ्या मोठी ऑर्डर ही आमच्यासाठी सन्मान आणि गौरवाची गोष्ट असल्याचे सांगीतले .