दोन वर्षांच्या प्रतिक्षेनंतर अखेर 'प्रातःस्वर' संगीत मालिकेचे पुनरागमन!

'प्रातःस्वर' ही केवळ एक संगीत मालिका नसून ती एक दुर्मिळ अनुभूती आहे. ‘प्रातःस्वर’ हा कार्यक्रम संगीताच्या माध्यमातून श्रोत्यांना पावित्र्य आणि ध्यानधारणा यांच्याशी जोडतो. पहाटेचे राग त्यांच्या खास शैलीत गुंफलेले असल्याने त्यांचे सौंदर्य अधिक खुलते आणि मनात खोलवर रूजते. अशा वातावरणात ऐकलेले संगीत प्रेक्षकांना विलक्षण शांततेचा अनुभव देते आणि अंतर्मनात चिंतनाची प्रक्रिया सुरू होते. या वेळी साधलेली सुरावट आणि भावभावनांची गुंफण दिवसाच्या इतर कोणत्याही प्रहरात पुनरुज्जीवित करता येत नाही, हेच या संगीताचा खरा गूढ व अप्रतिम आनंद आहे. सदर कार्यक्रमात प्रसाद पाध्ये, सुर्यकांत सुरवे तबलावादन करणार असून, निरंजन लेले हार्मोनियम आणि सुखद मुंडे पखवाजावर साथ करणार आहेत.