अभिनेत्री मधुराणी प्रभुलकरचा वाढदिवस ठरला खास 'ज्याचा त्याचा विठ्ठल’च्या पहिल्या प्रयोगाला जबरदस्त प्रतिसाद!

मुंबई : मराठी मालिकांविषयी बोलायचं झालं, तर आई कुठे काय करते ही मालिका प्रेक्षकांच्या विशेष पसंतीस उतरली होती. या मालिकेतील अरुंधती ही भूमिका साकारून अभिनेत्री मधुराणी प्रभुलकरने घराघरात आपली ओळख निर्माण केली. तब्बल पाच वर्षे प्रेक्षकांना खिळवून ठेवलेल्या या मालिकेने काही महिन्यांपूर्वी निरोप घेतला. मात्र, मधुराणी अजूनही चाहत्यांच्या संपर्कात आहे आणि तिच्या नवीन उपक्रमांमुळे चर्चेत असते. नुकताच तिने एक व्हिडीओ शेअर केला असून, त्यावर प्रेक्षकांनी प्रेमाचा वर्षाव केला आहे.

मधुराणीने शेअर केलेल्या या व्हिडीओवर चाहत्यांनी भरभरून प्रतिक्रिया दिल्या असून, तिला वाढदिवसाच्या शुभेच्छांचा वर्षावही झाला आहे. तिचा ‘ज्याचा त्याचा विठ्ठल’ हा प्रयोग पुढील काही दिवस विविध ठिकाणी सादर केला जाणार असल्याने, प्रेक्षकांची उत्सुकता वाढली आहे.