प्रतिष्ठीत 'भानुदास एकनाथ पुरस्कार' डॉ.सदानंद मोरे यांना जाहीर!

संत एकनाथ महाराजांचा प्रचार प्रसार व्हावा यासाठी शांतिब्रम्ह श्री एकनाथ महाराज मिशन, पैठण ही सामाजिक संस्था २००६ पासून कार्यरत आहे. या संस्थेकडून देण्यात येणारा 'भानुदास एकनाथ पुरस्कार' या वर्षी सदानंद मोरे यांना देण्यात आला आहे. संत एकनाथ महाराज संस्थानचे संस्थापक व अधिपती नाथवंशज हभप वै. रंगनाथबुवा ऊर्फ भैय्यासाहेब महाराज पैठणकर यांच्या नावाने देण्यात येणारा दुसरा 'वारकरी भूषण पुरस्कार' हा नेकनुरच्या बंकटस्वामी संस्थानचे मठाधिपती हभप लक्ष्मण महाराज मेंगडे यांना देण्यात येणार आहे. श्री संत एकनाथ महाराज प्रबोधमार्तंड पुरस्कार हा श्रीसंत निवृत्तीनाथ महाराज संस्थानचे माजी अध्यक्ष व प्रसिद्ध कीर्तनकार हभप संजय धोंडगे, संत एकनाथ महाराज स्वरमार्तंड पुरस्कार हा वारकरी सांप्रदायातील ज्येष्ठ उपासक आळंदी येथील हभप आबामहाराज गोडसे, संत एकनाथ महाराज तालमार्तंड पुरस्कार हा पुणे येथील मृदंगाचार्य तुकाराम भुमकर यांना तर संत एकनाथ महाराज वारकरी सेवा पुरस्कार हा पैठण येथे नाथसमाधी मंदिर परिसरात भाविकांना गेल्या अनेक वर्षांपासून विना मोबदला सायंकाळी अन्नदानाची सोय करणारे राजुसेठ लोहिया यांना प्रदान करण्यात येणार आहे.