कॅनडाचे नेतृत्व मार्क कार्नी यांच्या हाती

 

 

नवी दिल्ली :  ( Mark Carney as Canada leader ) कॅनडाच्या लिबरल पक्षाने मार्क कार्नी यांची नेतेपदी निवड केली आहे आणि ते जस्टिन ट्रुडो यांची जागा कॅनडाचे पंतप्रधान म्हणून घेणार आहेत, असे वृत्त कॅनडातील सीटीव्ही न्यूजने दिले आहे.

 

कॅनडाचे पंतप्रधान जस्टिन ट्रूडो यांनी जानेवारीच्या सुरुवातीला कॉकस बंड आणि क्रिस्टिया फ्रीलँड यांच्या मंत्रिमंडळातून राजीनाम्यानंतर पद सोडण्याचा आपला इरादा जाहीर केल्यानंतर सुरू झालेल्या शर्यतीत कार्नी यांनी पहिल्या मतदानात विजय मिळवला. गेल्या दोन महिन्यांपासून नेतृत्वाच्या शर्यतीत आघाडीवर राहिल्यानंतर, बँक ऑफ कॅनडा आणि बँक ऑफ इंग्लंडचे माजी गव्हर्नर कार्नी काही दिवसांतच कॅनडाचे पुढचे पंतप्रधान होणार आहेत.

 

कार्नी यांनी माजी कॅबिनेट मंत्री कॅरीना गोल्ड, माजी अर्थमंत्री आणि उपपंतप्रधान क्रिस्टिया फ्रीलँड आणि उद्योगपती व माजी लिबरल खासदार फ्रँक बेलिस यांचा पराभव केला. कॅनडामध्ये अशांततेच्या काळात कार्नी हे पदभार स्वीकारतील.