'छावा' ची बॉक्स ऑफिसवर भव्य गर्जना, चित्रपटाच्या निर्मितीपेक्षा दुप्पटीने कमाई!

मुंबई : विकी कौशल आणि रश्मिका मंदाना यांच्या प्रमुख भूमिका असलेला ऐतिहासिक चित्रपट 'छावा' बॉक्स ऑफिसवर धडाकेबाज कामगिरी करत आहे. १४ फेब्रुवारी २०२५ रोजी प्रदर्शित झालेल्या या चित्रपटाने प्रेक्षकांचे आणि समीक्षकांचे मन जिंकले आहे.

पहिल्या दिवशीच 'छावा'ने भारतात ३१ कोटी रुपयांची कमाई करून विक्की कौशलच्या कारकिर्दीतील सर्वात मोठी ओपनिंग नोंदवली.

१५ व्या दिवशी, म्हणजेच तिसऱ्या शुक्रवारी, 'छावा'ने १३ कोटी रुपयांची कमाई केली, ज्यामुळे भारतातील एकूण कमाई ४१२.५० कोटी रुपयांवर पोहोचली.

जागतिक स्तरावरही 'छावा'ने उल्लेखनीय कामगिरी केली आहे. १४ दिवसांत या चित्रपटाने ५५५ कोटी रुपयांचा आकडा पार केला आहे, ज्यामध्ये परदेशातील ८० कोटी रुपयांहून अधिकची कमाई समाविष्ट आहे.

'छावा' हा चित्रपट मराठा योद्धा छत्रपती संभाजी महाराज यांच्या जीवनावर आधारित आहे. विकी कौशल यांनी संभाजी महाराजांची भूमिका साकारली आहे, तर रश्मिका मंदाना महाराणी येसूबाईंच्या भूमिकेत आहेत. अक्षय खन्ना यांनी औरंगजेबाची भूमिका साकारली आहे. विनीत कुमार सिंह, आशुतोष राणा आणि किरण करमरकर यांच्याही भूमिका प्रेक्षकांच्या पसंतीस उतरल्या आहेत.

'छावा'ची ही यशस्वी घोडदौड पाहता, हा चित्रपट लवकरच 600 कोटी रुपयांचा टप्पा पार करेल, अशी अपेक्षा आहे.