Deva Box Office Collection Day 3: अभिनेता शाहीद कपूरच्या 'देवा' चित्रपटाला किरकोळ वाढ, आत्तापर्यंत ७.१५ कोटींची कमाई!

    03-Feb-2025
Total Views |



shahid kapoor

मुंबई : रोशन अँड्र्यूज दिग्दर्शित आणि शाहीद कपूरची मुख्य भूमिका असलेला ऍक्शन ड्रामा देवा ३१ जानेवारी रोजी प्रदर्शित झाला. मात्र, या चित्रपटाला अपेक्षेप्रमाणे दमदार ओपनिंग मिळाली नाही. सकनिल्कच्या अहवालानुसार, या चित्रपटाने बॉक्स ऑफिसवर २ फेब्रुवारीपर्यंत सौम्य कमाई केली. प्रदर्शनाच्या तिसऱ्या दिवशी ७.१५ कोटींचा गल्ला जमवला, अशी माहिती सॅकनिल्कच्या अहवालात देण्यात आली आहे. २ फेब्रुवारी रोजी हिंदी प्रेक्षकांमध्ये या चित्रपटाची १५.३४% एकूण उपस्थिती होती. आतापर्यंत ‘देवा’ने १९.०५ कोटी कमावले आहेत. रोशन अँड्रूज दिग्दर्शित ‘देवा’ हा २०१३ मध्ये आलेल्या मल्याळम चित्रपट ‘मुंबई पोलिस’*चा अधिकृत रिमेक आहे. मात्र, या चित्रपटाचा शेवट मूळ चित्रपटापेक्षा वेगळा ठेवण्यात आला आहे.
चित्रपटात शाहिद कपूर एसीपी देव आंब्रे या भूमिकेत आहे, तर पूजा हेगडे ही दिया साठ्येच्या भूमिकेत दिसते. याशिवाय पवैल गुलाटी, प्रवेश राणा, कुब्रा सैत, गिरीश कुलकर्णी आणि मनीष वाधवा यांच्या महत्त्वाच्या भूमिका आहेत. बॉलीवूड विश्लेषक तरण आदर्श यांनी रविवारी चित्रपटाच्या दुसऱ्या दिवशीच्या कमाईसंदर्भात पोस्ट केली. ते म्हणाले, "‘देवा’ला दुसऱ्या दिवशी केवळ १४.३६% वाढ मिळाली. सुरुवात कमकुवत झाल्यानंतर वीकेंडला मोठी वाढ आवश्यक असते, मात्र ती दिसली नाही. प्रत्यक्षात पहिल्या दोन दिवसांची कमाई पहिल्या दिवसाइतकीच असायला हवी होती. रविवारी हा चित्रपट मागील नुकसान भरून काढतो का, हे पाहणे महत्त्वाचे ठरेल.”




चित्रपटाच्या प्रसिद्धीदरम्यान, शाहिद कपूरने सहकलाकार पूजा हेगडेला खास कौतुक दिले. तिच्या प्रवासाबद्दल बोलताना तो म्हणाला, "तिने येथे पोहोचण्यासाठी खूप मेहनत घेतली आहे. प्रत्येकाला स्वतःच्या जोरावर यश मिळवता येत नाही, त्यामुळे तिची ही गोष्ट मला खूप आवडते. शिवाय ती ज्या पद्धतीने नृत्य करते, ते खूप मोहक असते. मी तिच्या डान्स स्टाईलचा मोठा चाहता आहे."