"लोकशाहीच्या पाठीत आणीबाणीचा खंजीर खुपसला तेव्हा...", 'वंदे मातरम्'वरील चर्चेदरम्यान पंतप्रधान मोदींचा झंझावात

वंदे मातरमने देशाला स्वातंत्र्य मिळवून दिलं

"१५० वर्ष त्या महान अध्याय आणि गौरवाची पुनर्स्थापना करण्याची संधी आहे. देशाने आणि सभागृहाने ही संधी सोडली नाही पाहिजे. हे तेच वंदे मातरम् आहे, ज्याने १९४७ साली देशाला स्वातंत्र्य मिळवून दिले. वंदे मातरमचा १५० वर्षांचा प्रवास अनेक टप्प्यांमधून गेला आहे. वंदे मातरमला ५० वर्ष झाली, तेव्हा देश गुलामगिरीच्या बेड्यांमध्ये अडकलेला होता. ज्यावेळी वंदे मातरमला १०० वर्ष पूर्ण झाली, तेव्हा देश आणीबाणीच्या अंधारात होता. वंदे मातरमसाठी अत्यंत उत्तम पर्व पाहिजे, तेव्हा संविधानाचा गळा घोटला गेला. त्यावेळी देशभक्तीसाठी जगणाऱ्या-मरणाऱ्या लोकांना तुरुंगात टाकले होते. ज्या वंदे मातरम् गीताने देशाच्या स्वातंत्र्याला ऊर्जा दिली. त्याला १०० वर्ष पूर्ण होताना इतिहासाचा एक काळा कालखंड दुर्भाग्याने समोर येतो” असं पंतप्रधान नरेंद्र मोदी म्हणाले.