Vladimir Putin : पुतिन यांची राजघाटावर महात्मा गांधींना आदरांजली; राजघाट स्मृतिस्थळावरील पुस्तिकेत लिहिलेला संदेश व्हायरल!

आपल्या संदेशात त्यांनी म्हटले की, "गांधीजींचा शांतता आणि अहिंसेचा मार्ग आजच्या जगासाठी खूप आवश्यक आहे. अनेक देशांमध्ये तणाव आणि संघर्ष वाढत असताना, गांधीजींनी दाखवलेला संवाद आणि शांततेचा मार्ग सर्वांनी पाळण्याजोगा आहे, असे पुतीन यांनी नमूद केले. त्यांनी भारताच्या स्वातंत्र्यलढ्यातील गांधीजींची भूमिका आणि त्यांनी उभे केलेले आदर्श यांचेही कौतुक केले. पुतीन यांच्या या कृतीमुळे त्यांच्या भारत दौऱ्याला एक वेगळे भावनिक महत्त्व मिळाले आहे. साधारणपणे राजनैतिक भेटीत संरक्षण, व्यापार, ऊर्जा किंवा आंतरराष्ट्रीय मुद्द्यांवर चर्चा होते. पण यावेळी पुतीन यांनी गांधीजींच्या विचारांना दिलेला मान, भारत–रशिया मैत्रीला नव्या पातळीवर नेणारा ठरेल."

 

 

हा संदेश दोन देशांमधील ऐतिहासिक नात्याची आठवण करून देतो आणि शांतता, मानवता आणि परस्पर आदर या मूल्यांना बळकटी देतो. राजघाटावरील ही भेट आणि पुतीन यांनी लिहिलेला संदेश आता दोन्ही देशांच्या संबंधांमध्ये एक महत्त्वपूर्ण आणि स्मरणीय क्षण म्हणून पाहिला जात आहे.