Digital Satbara : महसूल विभागाचा मोठा निर्णय! आता तलाठी सज्जाचे उंबरे झिजवण्याची गरज नाही, केवळ १५ रुपयात घरबसल्या उपलब्ध होणार डिजिटल सातबारा

 

मुंबई : (Digital Satbara) जमिनीच्या नोंदींसाठी ७/१२ उतारा मिळवण्यासाठी आता तलाठी सज्जाचे उंबरे झिजवण्याची गरज नाही. राज्य महसूल विभागाने डिजिटल सातबारा (Digital Satbara) उताऱ्याला अधिकृत कायदेशीर मान्यता दिली असून, आता हा उतारा नागरिकांना घरबसल्या ऑनलाइन उपलब्ध होणार आहे.

 

महसूल प्रशासनातील जुनी, विलंब देणारी आणि किचकट प्रक्रिया यामुळे नागरिकांना मोठा त्रास सहन करावा लागत होता. मात्र, या निर्णयामुळे ही सर्व प्रक्रिया आता इतिहासजमा झाली आहे. केवळ १५ रुपयांमध्ये अधिकृत ७/१२ उतारा ऑनलाइन मिळणार आहे. (Digital Satbara)

 

 

विशेष म्हणजे, या डिजिटल (Digital Satbara) उताऱ्यावर तलाठ्याच्या सही किंवा स्टॅम्पची आवश्यकता राहणार नाही. डिजिटल स्वाक्षरी, QR कोड आणि १६ अंकी पडताळणी क्रमांक यांसह मिळणारे ७/१२, ८-अ आणि फेरफार उतारे आता सर्व सरकारी, निमसरकारी, बँकिंग आणि न्यायालयीन कामकाजासाठी पूर्णपणे वैध राहणार आहेत, अशी माहिती महसूलमंत्री चंद्रशेखर बावनकुळे यांनी दिली. (Digital Satbara)

 

 

नागरिकांना हे उतारे digitalsatbara.mahabhumi.gov.in या महाभूमी पोर्टलवर डिजिटल पेमेंटद्वारे सहज डाउनलोड करता येणार आहेत. (Digital Satbara)

 

महसूल विभागातील ही ‘डिजिटल क्रांती’ (Digital Satbara) सेवा डिजिटल महाराष्ट्रच्या दिशेने मोठे पाऊल मानली जात आहे. (Digital Satbara)