खालिदा झिया यांच्या अंत्यसंस्कारासाठी एस. जयशंकर यांची उपस्थिती! तारिक रहमान यांच्याकडे सुपूर्द केले मोदींचे शोकपत्र

ढाका : (Khaleda Zia’s funeral) बांगलादेशच्या माजी पंतप्रधान, देशाच्या पहिल्या महिला पंतप्रधान आणि बांगलादेश नॅशनलिस्ट पार्टीच्या (BNP) प्रमुख बेगम खालिदा झिया यांच्या निधनानंतर बुधवारी (३१ डिसेंबर २०२५) ढाका येथे अंत्यसंस्काराची प्रार्थना कडक सुरक्षेत पार पडली. त्यांच्या निधनाच्या एक दिवसानंतर माणिक मिया अव्हेन्यू येथे ही प्रार्थना करण्यात आली. विविध देशांचे प्रतिनिधी यावेळी उपस्थित होते. (Khaleda Zia’s funeral)

भारताच्या वतीने परराष्ट्र मंत्री डॉ. एस. जयशंकर यांनी ढाक्याला भेट देऊन शोक व्यक्त केला. त्यांनी बीएनपीचे कार्यवाहक अध्यक्ष आणि खालिदा झिया यांचे पुत्र तारिक रहमान यांची भेट घेतली आणि पंतप्रधान नरेंद्र मोदी यांचे शोकपत्र त्यांना सुपूर्द केले. या भेटीस तारिक रहमान यांची कन्या झैमा रहमानही उपस्थित होती.या भेटीनंतर परराष्ट्र मंत्री जयशंकर यांनी सांगितले की, “भारत सरकार आणि जनतेच्या वतीने तीव्र शोक व्यक्त करण्यात आला. खालिदा झिया यांचे दृष्टिकोन आणि मूल्ये भारत–बांगलादेश संबंधांच्या विकासाला मार्गदर्शक ठरतील, असा विश्वास व्यक्त केला.” (Khaleda Zia’s funeral)