"हा कसला वेडेपणा...", राहुल गांधींनी दाखवलेल्या फोटोतील ब्राझिलियन मॉडेलचा व्हिडिओ समोर; स्वतःच केला खुलासा

ती पुढे म्हणाली, "एक पत्रकार माझ्या कामाच्या ठिकाणी मला फोन करुन माझी प्रतिक्रिया घेण्याचा प्रयत्न करत होता. त्याने माझ्या इंस्टाग्रामवरही मेसेज पाठवला. मी उत्तर दिले नाही. मात्र, माझ्या मित्राने मला भारतात व्हायरल होत असलेला दुसरा फोटो पाठवला. तुम्ही विश्वास ठेवणार नाही! मी कधीही भारतात आलेली नाही. मी एक ब्राझीलियन डिजिटल इन्फ्लुएंसर आणि हेअरड्रेसर आहे. मला भारतीय लोक खूप आवडतात,” असे ती म्हणाली. "माझा फोटो वापरला गेला, मी नाही! पण माझ्या पोस्ट पाहणाऱ्या, भारतीय माध्यमांना त्या भाषांतर करून देणाऱ्या आणि शेअर करणाऱ्या सर्व भारतीयांचे मी मनापासून आभार मानते. लोकप्रिय होण्यासाठी आपण काही भारतीय शब्द शिकणार आहोत”, असेही ती मजेत म्हणाली.