Ladki Bahin Yojana : लाडक्या बाहिणींसाठी आनंदाची बातमी! ऑक्टोबर महिन्याचा हप्ता आजपासून खात्यात जमा होणार...

मुंबई : (Ladki Bahin Yojana) महाराष्ट्रातील सर्व पात्र लाडक्या बाहिणींच्या बँक खात्यात आजपासून १५०० रूपये जमा होण्यास सुरूवात होणार आहे. महिला व बालविकास मंत्री आदिती तटकरे यांनी एक्सवर पोस्ट करत ही माहिती दिली आहे. त्या म्हणाल्या कि, आजपासून १५०० रूपयांच्या वितरणाची प्रक्रिया सुरू करण्यात आली आहे, पुढच्या दोन दिवसात राज्यातील सर्व पात्र लाडक्या बहिणींच्या खात्यात ऑक्टोबर महिन्याचे १५०० रूपये जमा होतील.

त्याबरेबरच पुढे आदिती तटकरे म्हणाल्या कि, मुख्यमंत्री माझी लाडकी बहीण योजना (Ladki Bahin Yojana) ही महिला सक्षमीकरणाची अखंड क्रांती आहे. महाराष्ट्रातील माता-भगिनींच्या अखंड विश्वासाने सुरू असलेली सक्षमीकरणाची ही क्रांती यशस्वीरित्या मार्गक्रमण करत आहे. ही वाटचाल अशीच अखंडपणे सुरू ठेवण्यासाठी मागील महिन्यापासून https://ladakibahin.maharashtra.gov.in या संकेतस्थळावर E-KYC सुविधा उपलब्ध करून देण्यात आली आहे. सर्व लाडक्या बहिणींनी १८ नोव्हेंबरचा आधी E-KYC प्रक्रिया पूर्ण करावी ही नम्र विनंती !

मुख्यमंत्री माझी लाडकी बहीण योजना : महिला सक्षमीकरणाची अखंड क्रांती !

मुख्यमंत्री माझी लाडकी बहीण योजनेच्या सर्व पात्र लाभार्थ्यांना ऑक्टोबर महिन्याचा सन्मान निधी वितरित करण्याच्या प्रक्रियेस उद्या पासून सुरुवात होत आहे. लवकरच योजनेतील सर्व पात्र लाभार्थ्यांच्या आधार संलग्नित… pic.twitter.com/Snf9kgFcvR
— Aditi S Tatkare (@iAditiTatkare) November 3, 2025

हेही वाचा : दिशादर्शक विजय

मुख्यमंत्री माझी लाडकी बहीण योजनेची ई-केवायसी (Ladki Bahin Yojana) प्रक्रिया कशी करावी?

या योजनेचा लाभ घेण्यासाठी सर्वप्रथम https://ladakibahin.maharashtra.gov.in या अधिकृत वेबसाइटवर लॉगिन करावे.
मुखपृष्ठावर दिसणाऱ्या e-KYC या पर्यायावर क्लिक केल्यावर तुमच्यासमोर नोंदणी फॉर्म उघडेल.
फॉर्ममध्ये अर्जदाराने स्वतःचा आधार क्रमांक आणि कॅप्चा कोड भरावा. नंतर आधार पडताळणीसाठी संमती देत Send OTP
या बटणावर क्लिक करावे. त्यानंतर आधारशी जोडलेल्या मोबाईल क्रमांकावर ओटीपी येईल. तो ओटीपी प्रविष्ट करून Submit वर क्लिक करा.
प्रणाली प्रथम तपासेल की, अर्जदाराची ई-केवायसी आधीच पूर्ण आहे की नाही.
जर ई-केवायसी आधीच केली असेल, तर “e-KYC आधीच पूर्ण झाली आहे” असा संदेश दिसेल.
जर e-KYC केलेली नसेल, तर अर्जदाराचा आधार क्रमांक पात्र लाभार्थी यादीत आहे का, हे तपासले जाईल.
जर अर्जदार पात्र यादीत असेल, तर पुढील टप्पा सुरू होईल.
यानंतर पती किंवा वडिलांचा आधार क्रमांक आणि कॅप्चा कोड भरून, संमती दर्शवावी आणि Send OTP वर क्लिक
करावे. संबंधित मोबाईलवर आलेला ओटीपी भरून Submit करावे.
त्यानंतर लाभार्थ्याने आपला जात प्रवर्ग निवडावा आणि पुढील अटी स्वीकाराव्या
माझ्या कुटुंबातील कोणताही सदस्य सरकारी विभाग/मंडळ/उपक्रम/स्थानिक स्वराज्य संस्था किंवा भारत/राज्य शासनात कायम नोकरीवर नाही तसेच कोणालाही निवृत्ती वेतन मिळत नाही.
माझ्या कुटुंबातील फक्त एक विवाहित आणि एक अविवाहित महिला या योजनेचा लाभ घेत आहे.
वरील अटी मान्य करून चेकबॉक्स सिलेक्ट करावा आणि Submit क्लिक करावे.
प्रक्रिया पूर्ण झाल्यानंतर स्क्रीनवर संदेश दिसेल, “Success – तुमची e-KYC पडताळणी यशस्वीरित्या पूर्ण झाली आहे.”