Local Body Elections : नगरपरिषद व नगरपंचायतींच्या निवडणुकांसाठी १ डिसेंबरला रात्री १० पर्यंत प्रचार करता येणार

 

मुंबई : (Local Body Elections) नगरपरिषदा आणि नगरपंचायतीच्या सार्वत्रिक निवडणुकांसाठी १ डिसेंबर रोजी रात्री १० वाजेपर्यंत प्रचार करण्याची मुदत देण्यात आली आहे. निवडणूक आयोगाने याबाबतचे पत्रक काढून हा निर्णय घेतला.(Local Body Elections)

 

नगरपरिषदा आणि नगरपंचायतीच्या सार्वत्रिक निवडणुकांसाठी (Local Body Elections) २ डिसेंबर रोजी मतदान होणार आहेत. त्यासाठी जाहीर प्रचाराची मुदत ‘महाराष्ट्र नगरपरिषद, नगरपंचायत व औद्योगिक नगरी अधिनियम १९६५’ मधील तरतुदीनुसार १ डिसेंबर २०२५ रोजी रात्री १० पर्यंत करण्यात आली आहे. राज्यातील स्थानिक स्वराज्य संस्थांच्या निवडणुकांस संबंधित कायद्यांमधील तरतुदींनुसार घेतल्या जातात. नगरपरिषदा आणि नगरपंचायतींच्या निवडणुकांसंदर्भातील कायद्यात जाहीर प्रचाराचा कालावधी निश्चित करण्यात आला आहे.(Local Body Elections)

 

 

यानुसार, मतदान सुरू होण्याच्या अगोदरच्या दिवशी म्हणजे १ डिसेंबर २०२५ रोजी रात्री १० वाजल्यापासून प्रचार पूर्णपणे बंद होईल. त्यानंतर प्रचारसभा, मोर्चे आणि ध्वनिक्षेपकाचा वापर करता येणार नाही. त्याचबरोबर निवडणूक प्रचाराशी संबंधित जाहिरातींची प्रसिद्धी किंवा प्रसारण करता येणार नाही, असेही निवडणूक आयोगाने स्पष्ट केले आहे.(Local Body Elections)

 

 

राज्य सरकारने २ डिसेंबर रोजी होणाऱ्या नगर परिषदा आणि नगर पंचायतींच्या निवडणुकांसाठी संबंधित क्षेत्रांतील कर्मचाऱ्यांना मतदान करता यावे यासाठी शुल्क सार्वजनिक सुट्टी जाहीर केली आहे.(Local Body Elections)