‘युनेस्को’च्या मुख्यालयात डॉ. बाबासाहेब आंबेडकर यांच्या पुतळ्याचे अनावरण हा अभिमानाचा क्षण : मुख्यमंत्री फडणवीस

 

मुंबई : ( Dr. Babasaheb Ambedkar Statue ) महाराष्ट्र शासनाने ‘युनेस्को’च्या मुख्यालयात भारतरत्न डॉ. बाबासाहेब आंबेडकर यांच्या पुतळ्याचे संविधान दिनानिमित्त अनावरण करण्यात आले. पॅरिसमधील ‘युनेस्को’ मुख्यालय प्रांगणात दिमाखात उभा केलेला हा पुतळा डॉ. आंबेडकर यांच्या कर्तृत्वाचे जागतिक स्तरावर मान्यता देणारा ठरला.

 

मुख्यमंत्री देवेंद्र फडणवीस म्हणाले की, "महामानव डॉ. बाबासाहेब आंबेडकर यांनी विद्वत्ता आणि प्रतिभेच्या जोरावर जगाला समता, बंधुता आणि सामाजिक परिवर्तनाची दिशा दिली. भारताला मिळालेले संविधान हे त्यांच्या महान कर्तृत्वाचे फलित आहे. डॉ. आंबेडकर यांच्या पुतळ्याचे संविधान दिनी अनावरण हे भारतीयांसाठी अत्यंत अभिमानाचा क्षण आहे. अनावरण सोहळा ‘युनेस्को’चे महासंचालक खालिद अल-इनाय यांच्या हस्ते पार पडला.

 

यावेळी भारताचे ‘युनेस्को’तील स्थायी प्रतिनिधी विशाल शर्मा आणि इतर मान्यवर उपस्थित होते. दृक्श्राव्य प्रणालीद्वारे कार्यक्रमाला उपस्थित अससेल्या मुख्यमंत्री फडणवीस यांनी याप्रसंगी ‘युनोस्को’चे अधिकारी व संबंधित वरिष्ठ पदाधिकार्‍यांचे आभार मानले आणि पंतप्रधान नरेंद्र मोदींसह या प्रयत्न केलेल्या सर्वांचे अभिनंदन केले. मुख्यमंत्र्यांनी सांगितले की, "हा पुतळा उभा राहणे हा केवळ एक भौतिक स्मारक नाही, तर डॉ. बाबासाहेब आंबेडकर यांच्या जीवनातील मूल्ये, समता आणि सामाजिक न्याय यांचे जागतिक स्तरावर प्रतिनिधित्व करणारा संदेश आहे.”