प्रवासी भारतीय एक्सप्रेसला मोदींनी दाखवला हिरवा कंदील!

 

प्रवासी भारतीय दिवसाच्या याच कार्यक्रमात पंतप्रधान मोदी यांनी प्रवासी भारतीय एक्सप्रेसला हिरवा कंदील दाखवला. प्रवासी भारतीय एक्सप्रेस ही तीन आठवड्यांची खास टूर असून, यामध्ये प्रवाशांना, भारतातील निवडक प्रतिष्ठित पर्यटन आणि धार्मिक स्थळांना भेट देता येईल. या ट्रेनची प्रवासीक्षमता १५६ असून, प्रवासी तीर्थ दर्शन योजनेच्या अंतर्गत हा प्रवास पर्यटकांना अनुभवता येणार आहे. प्रवाशांच्या पर्यटन स्थळांमध्ये अयोध्या, पटना, गया, वाराणसी, महाबलीपुरम, रामेश्वरम, मदुराई, कोची, गोवा, एकता नगर (केवडिया), अजमेर, पुष्कर आणि आग्रा यांचा समावेश आहे. परदेशस्थ भारतीयांना त्यांच्या मुळांशी पुन्हा जोडण्यास आणि भारताच्या सांस्कृतिक आणि आध्यात्मिक वारशाचा शोध घेण्यास मदत करण्यासाठी ही सहल आखली गेली आहे.