एस, एल, के पूर्व, एच पूर्व आणि जी उत्तर विभागात पाणीपुरवठा बंद! पाणी जपून वापरण्याचे महानगरपालिकेचे आवाहन

 

 

मुंबई : बुधवार, ५ फेब्रुवारी सकाळी ११ ते गुरुवार, ६ फेब्रुवारी सायंकाळी ५ वाजेपर्यंत एस, एल, के पूर्व, एच पूर्व आणि जी उत्तर विभागातील काही परिसरांचा पाणीपुरवठा राहणार बंद राहणार असल्याचे मुंबई बृहन्मुंबई महापालिकेकडून सांगण्यात आले आहे.

 

दरम्यान, या नागरिकांनी पाणी जपून वापरण्याचे आवाहनही पालिकेकडून करण्यात आले आहे. बृहन्मुंबई महानगरपालिकेमार्फत पवई अँकर ब्लॉक ते मरोशी जलबोगदा (टनेल शाफ्ट) दरम्यान नवीन २४०० मिलीमीटर व्यासाची जलवाहिनी अंथरण्याचे काम पूर्ण झाले आहे. त्यामुळे १८०० मिलीमीटर व्यासाच्या तानसा पूर्व आणि पश्चिम या दोन जलवाहिन्या अंशतः खंडित करून नवीन २४०० मिलीमीटर व्यासाची जलवाहिनी कार्यान्वित करण्याचे काम हाती घेण्यात येणार आहे. दरम्यान, बुधवार, ५ फेब्रुवारी २०२५ रोजी सकाळी ११ वाजेपासून तर गुरुवार, दिनांक ६ फेब्रुवारी २०२५ रोजी सायंकाळी ५ वाजेपर्यंत ३० तास जलवाहिनी कार्यान्वित करण्याचे काम सुरू राहणार आहे. या कालावधीत एस, एल, के पूर्व , एच पूर्व, आणि जी उत्तर विभागांतील काही परिसरांचा पाणीपुरवठा बंद राहणार आहे.

 

 

दिनांक ५ व ६ फेब्रुवारी २०२५ रोजी एस विभागातील श्रीरामपाडा, खिंडीपाडा, तुळशेतपाडा, मिलिंद नगर. नरदास नगर, शिवाजी नगर, मरोडा हिल, भांडुप (पश्चिम), गौतम नगर, फिल्टर पाडा, महात्मा फुले नगर, पासपोली गाव, तानाजीवाडी उदंचन केंद्र, मोरारजी नगर. सर्वोदय नगर, गावदेवी टेकडी. तुळशेतपाडा, टेंभीपाडा, नरदास नगर, रमाबाई नगर १ आणि २, साई हिल भांडुप जलाशय येथून होणारा पाणीपुरवठा पूर्णत: बंद राहील.

 

तसेच दिनांक ६ फेब्रुवारी २०२५ रोजी एस विभागातील क्वारी मार्ग, प्रताप नगर मार्ग, जंगल मंगल मार्ग, टेंभीपाडा, गावदेवी मार्ग, दत्त मंदीर मार्ग, लेक मार्ग, सोनापूर जंक्शन ते मंगतराम पेट्रोल पंपर्यंतचा लालबहादूर शास्त्री मार्ग लगतचा परिसर, भांडुप (पश्चिम), शिंदे मैदान जवळील परिसर, प्रताप नगर मार्ग, फुले नगर टेकडी, रामनगर उदंचन केंद्र, रावते कंपाऊंड उदंचन केंद्र, हनुमान टेकडी, अशोक टेकडी येथील पाणीपुरवठा पूर्णत: बंद राहील.

 

दिनांक ५ फेब्रुवारी २०२५ रोजी एल विभागातील कुर्ला दक्षिण-काजूपाडा, सुंदरबाग, नवपाडा, हलावपूल, न्यू मील मार्ग, कपाडिया नगर, नवीन म्हाडा वसाहत, परिघखाडी, तकिया वॉर्ड, महाराष्ट्र काटा, गफुर खान इस्टेट, पाईप लाईन मार्ग, लालबहादूर शास्त्री मार्ग (पूर्व व पश्चिम), क्रांती नगर, संभाजी चौक, रामदास चौक, अण्णा सागर मार्ग येथील पाणीपुरवठा पूर्णत: बंद राहील.

 

दिनांक ६ फेब्रुवारी रोजी एल विभागातील कुर्ला उत्तर–९० फीट रोड, कुर्ला–अंधेरी मार्ग, जरीमरी, घाटकोपर–अंधेरी जोडरस्ता, साकीविहार मार्ग, मारवा उद्योग मार्ग भाग, सत्यनगर पाईपलाईन येथील पाणीपुरवठा पूर्णत: बंद राहील.

 

दिनांक ५ फेब्रुवारी रोजी जी उत्तर विभागातील धारावी मुख्य मार्ग, गणेश मंदीर मार्ग, दिलीप कदम मार्ग, जस्मीन मील मार्ग, माहीम फाटक, ए. के. जी. नगर येथील पाणीपुरवठा पूर्णत: बंद राहील. तसेच ६ फेब्रुवारी रोजी जी उत्तर विभागातील जस्मिन मील मार्ग, माटुंगा लेबर कॅम्प, संत रोहिदास मार्ग, ६० फीट मार्ग, ९० फीट मार्ग, संत कक्कया मार्ग, एम. पी. नगर धोरवडा, एम. जी. मार्ग, धारावी लूप मार्ग, ए. के. जी. नगर येथील पाणीपुरवठा पूर्णत: बंद राहील.

 

दिनांक ५ फेब्रुवारी रोजी के पूर्व विभागातील विजय नगर मरोळ, मिलीट्री मार्ग, वसंत ओॲसिस, गावदेवी, मरोळ गाव, चर्च रोड, हिल व्ह्यू सोसायटी, कदमवाडी, भंडारवाडा, उत्तम ढाबा येथील पाणीपुरवठा बंद राहील. तर ६ फेब्रुवारी रोजी के पूर्व विभागातील ओमनगर, कांतीनगर, राजस्थान सोसायटी, साई नगर (तांत्रिक क्षेत्र) सहार गाव, सुतारपाखाडी (पाईपलाईन क्षेत्र) या परिसरातील रोजी पाणीपुरवठा पूर्णत: बंद राहील.

 

दिनांक ५ आणि ६ फेब्रुवारी रोजी के पूर्व विभागातील आंतरराष्ट्रीय विमानतळ व सिप्झ- मुलगाव डोंगरी, एम. आय. डी. सी., मार्ग क्रमांक १ ते २३, ट्रान्स अपार्टमेंट, कोंडीविटा, महेश्वरी नगर, उपाध्याय नगर, ठाकूर चाळ, साळवे नगर, भवानी नगर, दुर्गापाडा, मामा गॅरेज येथील पाणीपुरवठा पूर्णत: बंद राहील. तर के पूर्व विभागातील चकाला, प्रकाश वाडी, गोविंद वाडी, मालपा डोंगरी क्रमांक १ व २, हनुमान नगर, मोटा नगर, शिवाजी नगर, शहीद भगतसिंग वसाहत (भाग), चरतसिंग वसाहत (भाग), मुकुंद रुग्णालय, तांत्रिक विभाग, लेलेवाडी, इंदिरा नगर, मापखान नगर, टाकपाडा, विमानतळ मार्ग क्षेत्र, चिमटपाडा, सागबाग, मरोळ औद्योगिक क्षेत्र, रामकृष्ण मंदीर रोड, जे. बी. नगर, बगरखा मार्ग, कांतीनगर येथील पाणीपुरवठादेखील बंद राहणार आहे. के पूर्व विभागातील कबीर नगर, बामणवाडा, पारसीवाडा, विमानतळ क्षेत्र, तरुण भारत वसाहत, इस्लामपुरा, देऊळवाडी, पी. ऍन्ड. टी. वसाहत येथील पाणीपुरवठा दोन दिवस बंद राहणार आहे,

 

दिनांक ५ आणि ६ फेब्रुवारी रोजी एच पूर्व विभागातील वांद्रे टर्मिनस तर दिनांक ६ फेब्रुवारी रोजी एच पूर्व विभागातील ए. के. मार्ग, खेरवाडी सर्व्हिस रोड, बेहराम पाडा, खेरनगर, निर्मल नगर येथील पाणीपुरवठा पूर्णत: बंद राहील.

 

 

"पाणीपुरवठा बंद असण्याच्या अगोदरच्या दिवशी या सर्व परिसरातील नागरिकांनी आवश्यकतेनुसार पाण्याचा साठा करून ठेवावा. तसेच पाणीपुरवठा बंद असलेल्या कालावधीत काटकसरीने पाण्याचा वापर करावा. जलवाहिनीच्या कामानंतर पुढील काही दिवस गढूळ पाणीपुरवठा होण्याची शक्यता असल्याने नागरिकांनी पाणी गाळून आणि उकळून प्यावे, असे आवाहन महापालिका प्रशासनाच्या वतीने करण्यात आले आहे.