सुदर्शन घुलेला पोलिस कोठडी द्या! एसआयटीकडून कोर्टात अर्ज
27-Jan-2025
Total Views |
बीड : मस्सोजोग येथील सरपंच संतोष देशमुख यांच्या हत्या प्रकरणातील आरोपी सुदर्शन घुले याला पोलिस कोठडी मिळण्याची शक्यता आहे. सुदर्शन घुलेबाबात काही पुरावे सापडले असल्याचे सांगत एसआयटीकडून बीड न्यायालयात त्याच्या पोलिस कोठडीसाठी अर्ज करण्यात आला आहे.
सपंच हत्या प्रकरणातील सर्व आरोपींना न्यायालयीन कोठडी सुनावण्यात आली होती. त्यानुसार सुदर्शन घुले हा सध्या न्यायालयीन कोठडीत आहे. दरम्यान, आता त्याला पोलिस कोठडी मिळण्याची शक्यता वर्तवण्यात येत आहे. सुदर्शन घुले हा या हत्या प्रकरणातील मुख्य आरोपी असून त्याच्या चौकशीसाठी एसआयटीकडून बीड न्यायालयात अर्ज करण्यात येणार आहे. दुसरीकडे, या प्रकरणातील आरोपी कृष्णा आंधळे हा अद्याप फरार असून त्याला पोलिसांकडून फरार घोषित करण्यात आले आहे. बीड हत्या प्रकरणाने संपूर्ण राज्यभरात खळबळ उडाली आहे. या प्रकरणातील सर्व आरोपींना फाशीची मागणी करण्यात येत आहे.