पंजाबमधील आप आमदाराचा अपघाती गोळीबारात मृत्यू

पोलिसांनी माध्यमांना दिलेल्या प्राथमिक माहितीनुसार गुरप्रीत बस्सी गोगी यांना त्यांच्याच पिस्तुलातून सुटलेली गोळी लागली आहे. गोगी यांना ही गोळी कशी लागली हे अद्याप स्पष्ट झालेलं नाही. गोगी यांच्याकडे सदर पिस्तुलाचा परवाना होता. या संर्दभात रूगणालयातील प्रशासनाला सगळी माहिती पुरवण्यात आलेली होती. डॉक्टरांनी शर्थीचे प्रयत्न केले परंतु ते गोगी यांचा जीव वाचवू शकले नाही. आम आदमी पक्षाचे जिल्हा सचिव परमवीर सिंह माध्यमांशी बोलताना म्हणाले की आपचे आमदार गुरप्रीत बस्सी गोगी आपली दैनंदिन कामं करून आपल्या घरी परतले होते, तेव्हाच ही दुर्घटना घडली. त्यांच्या पश्चात त्यांची बायको, मुलगा व मुलगी आहे.