कुंभमेळ्यावरून ममता बॅनर्जी यांचं नवं राजकारण!

गंगासागर मेळा हा कपिल मुनी यांच्या मंदिरालगत दरवर्षी साजरा केला जातो. मकर संक्रांतीच्या निमित्ताने हजारो भाविक इथे एकत्र जमतात. सागर बेटावर जाण्यासाठी भाविकांना मुरीगंगा नदी ओलांडून जावं लागतं. कोलकाता शहरापासून सुमारे १३० किलोमीटर लांब हा उत्सव साजरा केला जातो. भाविकांची तीर्थयात्रा सुरळीत पार पडावी म्हणून अनेक खासगी संस्था कार्यरत असतात. दिनांक ९ जानेवारी ते १७ जानेवारी गंगासागर मेळा या वर्षी साजरा केला जाणार आहे. दोन धार्मीक उत्सवांची तुलना करत ममता दिदींकडून जाणीवपूर्वक नव्या वादाला तोंड फोडलं जात असल्याचं बोललं जात आहे.