दिल्लीतील शाळांना बॉम्बच्या धमक्या देणाऱ्या विद्यार्थी अटकेत!

 

 

नवी दिल्ली : (Delhi Bomb Threats) दिल्लीतील विविध शाळांना बॉम्बच्या धमक्या असलेले ईमेल पाठवल्याचे प्रकरण सोडवण्यात आले आहे. या प्रकरणी पोलिसांनी विद्यार्थी बारावीच्या एका विद्यार्थ्याला अटक केली आहे.

 

अल्पवयीन विद्यार्थ्याने ६ वेळा मेल पाठवला आहे. प्रत्येक वेळी, तो विद्यार्थी त्याच्या स्वतःच्या शाळेव्यतिरिक्त इतर अनेक शाळांना धमकीचे मेल पाठवत असे. त्या विद्यार्थ्याने एकाच वेळी २३ शाळांना मेल पाठवला होता. कोणालाही संशय येऊ नये म्हणून, त्याने इतर शाळांनाही मेलच्या सीसीमध्ये ठेवले. त्या विद्यार्थ्यास शाळेच्या परीक्षेस बसायचे नसल्याने त्याने हे मेल पाठवले असल्याचे उघड झाले आहे.

 

दिल्लीतील शाळांना सतत धमकीचे मेल येत आहेत, ज्यामुळे शाळांमध्ये गोंधळ उडाला आहे. शाळा घाईघाईने रिकामी करण्यात आल्या आणि अनेक वेळा झडती घेण्यात आली. डिसेंबरमध्येच, दिल्लीतील ४० हून अधिक शाळांना बॉम्बस्फोट घडवून आणण्याची धमकी देणारा ईमेल आला होता.