पिंपळगाव बसवंतमध्ये यंदा ईद मिरवणूक निघणार नाही; मुस्लिम बांधवांनी घेतला मोठा निर्णय

मुंबई :       ईद-ए-मिलाद आणि अनंत चतुर्थी एकाच दिवशी आल्याने गणपती विसर्जन मिरवणुकीत अडथळा येऊ नये म्हणून मुस्लिम बांधवांकडून मोठा निर्णय घेण्यात आला आहे. मुस्लिम बांधवांकडून ईद जुलूस मिरवणूक एकाच दिवशी न काढण्याचा निर्णय घेतला आहे. 

 

दरम्यान, पिंपळगाव शहरात हिंदू-मुस्लिम बांधव एकत्र गुण्यागोविंदाने नांदतात. आजवर येथील बांधवांनी एकमेकांच्या सणांचा आदर केला असून यंदा ईद जुलूस मिरवणूक दुसऱ्या दिवशी काढण्याचा महत्त्वपूर्ण निर्यण घेतला आहे. या निर्णयामुळे हिंदू-मुस्लिम ऐक्य पुन्हा एकदा दिसून आले आहे.

पिंपळगाव बसवंत येथील मुस्लिम जमात ट्रस्टने या निर्णयासंदर्भात एक निवेदन पिंपळगाव पोलीस स्टेशन येथे दिले आहे. दरम्यान, मुस्लिम बांधवांच्या या निर्णयाचे समाजातून स्वागत होत असून पवित्र सण ईद-ए-मिलादच्या पार्श्वभूमीवर समाजातील सलोख्याचे वातावरण कायम राहावे याकरिता मिरवणूक रद्द करण्याचा निर्णय घेतला आहे.